ఘనంగా “ది హార్బర్ ఇంటర్నేషనల్ స్కూల్” వార్షికోత్సవం

భీమునిపట్నం, ఫిబ్రవరి07(ఆంధ్రపత్రిక):నేటి కాలంలో విద్యమరింత క్రియాశీలంగా,పరిశోధనాత్మకoగా ఉండాలని ఆంధ్రా యూనివర్సిటీ వైస్- ఛాన్స్లర్ ప్రసాదరెడ్డి సూచించారు. ‘ఎక్స్’ రోడ్స్ వద్దగల “ది హార్బర్ ఇంటర్నేషనల్ స్కూల్”నాలగవ వార్షికోత్సవ వేడుకలు ఘనంగా జరిగాయి. ఈ వేడుకళ్లో ముఖ్య అతిథిగా పాల్గొన్న ప్రసాదరెడ్డి మాట్లాడుతూ ప్రశాంతమైన సువిశాలమైన ప్రాంగణంలో స్కూల్ నిర్వహిస్తున్నoదుకు స్కూల్ యాజమాన్యాన్ని అభినందించారు. గౌరవ అతిథిగా పాల్గొన్న మాజీ ఎమ్మెల్యే, డీసీసీబీ మాజీ ఛైర్ పర్సన్ అల్లు భానుమతి మాట్లాడుతూ స్కూల్ నిర్వహిస్తున్న కార్యక్రమాలను అభినందించారు. సి.బి.ఎస్.ఇ. ను ఇప్పుడు మన రాష్ట్ర ప్రభుత్వం కూడా ప్రవేశ పెట్టడం హర్షణీయమన్నారు. విద్యార్థులు మంచి నడవడికతో, విద్యలోరాణించి, తల్లి దండ్రులకు, సంస్థకు,దేశానికి మంచి పేరు తేవాలని ఆకాంక్షించారు.ఈ వార్షికోత్సవంలో కరెస్పాండెంట్ యర్రా సన్యాసినాయుడు, సీఈఓ యర్రా రఘురాజ్ తదితర్లు పాల్గొన్నారు. విద్యార్థులు ప్రదర్శించిన సాంస్కృతిక ప్రదర్శనలు సమాజానికి సందేశం అందించేవిగా అందరినీ అలరించాయి.హాజరయిన తల్లిదండ్రులు తమ పిల్లల ప్రగతిని,పాఠశాల యాజమాన్యాన్ని అభినందించారు.