- వైసిపికి పోయేకాలం దాపురించింది
- జగన్‌ వంద తప్పులు దాటాయి…ఇక మిగిలింది ప్రభుత్వ పతనమే.
- ఆంధ్రప్రదేశ్‌ అంటే హింస, దాడులు, కూల్చివేతలు, అడ్డగింతలు
- మీ దుర్బుద్ధి, రాజకీయ కక్ష ప్రజలకు అర్థం కాదు అనుకుంటున్నారా?
- చీకట్లో మా పర్యటనపై రాళ్లు వేస్తేనో మీరు పైచేయి సాధించలేరు
- టీడీపీ అధినేత చంద్రబాబు నాయుడు
అమరావతి,నవంబర్‌ 5 (ఆంధ్రపత్రిక): ముఖ్యమంత్రి జగన్‌ మోహన్ రెడ్డి , వైసీపీపై టీడీపీ అధినేత చంద్రబాబు నాయుడు తీవ్రస్థాయిలో విరుచుకుపడ్డారు. ట్విట్టర్‌ వేదికగా స్పందిస్తూ… ‘ఈ వైసీపీ ప్రభుత్వానికి పోయే కాలం దాపురించి దిక్కుమాలిన పనులు చేస్తుంది. శిశుపాలుడిలా జగన్‌ వంద తప్పులు దాటాయి…ఇక మిగిలింది ప్రభుత్వ పతనమే. ఆంధ్రప్రదేశ్‌ అంటే హింస, దాడులు, కూల్చివేతలు, అడ్డగింతలు, అక్రమ అరెస్టులు అన్నట్లుగా మార్చేశారు. ముఖ్యమంత్రి అహంకారానికి, అధికార మదానికి జవాబు చెప్పడానికి ప్రజలు సిద్ధంగా ఉన్నారు. 600 ఇళ్లున్న ఇప్పటం గ్రామంలో 120 అడుగులకు రోడ్డు విస్తరిస్తారా?. మీ దుర్బుద్ధి, రాజకీయ కక్ష ప్రజలకు అర్థం కాదు అనుకుంటున్నారా?. మీవి రోడ్లు వేసే మొహాలేనా?. ఇప్పటం గ్రామం వెళుతున్న జనసేన అధ్యక్షులు పవన్‌ కళ్యాణ్‌ను అడ్డుకుంటేనో…. చీకట్లో మా పర్యటనపై రాళ్లు వేస్తేనో మీరు పైచేయి సాధించలేరు. కూల్చడం మాని ఏదైనా కట్టి చూడండి… ఆ తృప్తి ఏంటో అర్థం అవుతుంది‘ అంటూ చంద్రబాబు నాయుడు ట్వీట్‌ చేశారు.
