గురువుని పరిపూర్ణంగా నమ్మిన శిష్యుని జీవితం ధన్యం నవమ పీఠాధిపతి ఉమర్‌ ఆలీషా

పిఠాపురం ఫిబ్రవరి 9 (ఆంధ్రపత్రిక) : మానవుడు తనలో అంతర్లీనంగా ఉన్న జ్ఞాన నేత్రాన్ని గుర్తించగలిగితే తద్వారా భగవంతుడిని దర్శించవచ్చునని పీఠాధిపతి డాక్టర్‌ ఉమర్‌ ఆలీషా అన్నారు. పిఠాపురం కాకినాడ రోడ్‌ నందలి శ్రీ విశ్వ విజ్ఞాన విద్య ఆధ్యాత్మిక పీఠం నూతన ఆశ్రమ ప్రాంగణంలో 3 రోజులు పాటు జరిగే పీఠం 95వ వార్షిక మహా జ్ఞాన సభలు గురువారం ప్రారంభించారు. ముందుగా జ్యోతి ప్రజ్వలనతో పీఠాధిపతి తో సభలను ప్రారంభించారు. ఈ సందర్భంగా సభకు ముఖ్య అతిథిగా విచ్చేసిన పిఠా పురం శాసన సభ్యుడు పెండెం దొరబాబు మాట్లాడుతూ వందలాది సంవత్సరాలు గా ఆధ్యాత్మిక తాత్విక జ్ఞానాన్ని శిష్యు లకు బోధిస్తూ విశ్వమానవ శ్రేయస్సుకై పాటుపడుతున్న పీఠం శ్రీ విశ్వ విజ్ఞాన విద్య ఆధ్యాత్మిక పీఠం అని అన్నారు. గురు శిష్యుల సంబంధం అత్యంత ప్రాధా న్యతతో కూడుకున్నదని తెలిపారు. నమ్మిన గురువుతో పరిపూర్ణమైన ప్రయా ణం చేస్తే శిష్యుని జీవితం సార్ధకమౌతుంద ని, వెల్లడిరచారు. పీఠం విశిష్టతను మారు మూల పల్లెలవరకూ విస్తరింప చేసేలా శిష్యులు కృషి చేయాలని సూచించారు. తానా చైర్మన్‌ తోటకూర ఈశ్వర ప్రసాద్‌ మాట్లాడుతూ ఆధ్యాత్మిక జ్ఞాన ప్రచారం కోసం అనునిత్యం కృషి చేస్తున్న పీఠం శ్రీ విశ్వ విజ్ఞాన విద్య ఆధ్యాత్మిక పీఠం అని అన్నారు. స్త్రీ సంక్షేమం సర్వమత సౌభ్రాతృత్వం కొరకు పీఠాధిపతులు చేస్తున్న కృషిని కొనియాడారు. ఈ సందర్బంగా మాజీ మున్సిపల్‌ చైర్‌ పర్సన్‌ వర్ధినీడి సుజాత పట్టణ ఎస్‌.ఐ. జగన్మో హన్‌ రావు అగ్నిమాపక అధికారి ఎ.వేణు శ్రీపాద వల్లభ సంస్థానం దేవాల యం చైర్మన్‌ రెడ్డెం జనార్దన రావు వైసిపి పట్టణ అధ్యక్షుడు బొజ్జా రామయ్య గండేపల్లి బాబి కొత్తపల్లి బుజ్జి వైసీపీ పిఠాపురం నియోజకవర్గ కన్వీనర్‌ ప్రసాద్‌ జనసేన నేత పిల్లా శ్రీధర్‌ తదిత రులు పీఠాధిపతిని దర్శించుకున్నారు.