Birthday Celebrations: శామీర్ పేట పోలీస్ స్టేషన్ పరిధిలోని జగ్గంగూడ గ్రామంలో దారుణం చోటుచేసుకుంది. ఇంటి పక్కనే అద్దెకు ఉంటున్న భార్యభర్తలు బర్త్ డే పార్టీ అని ఇంటి యజమానురాలైన వృద్దురాలు శివ్వ రాములమ్మను పిలిచారు.
దీంతో పుట్టిన రోజు వేడుకలకు రాములమ్మ వెళ్లింది. ఇంట్లోకి అడుగుపెడుతూనే ఆమె బయటకు వెళ్లకుండా గట్టిగా పట్టుకున్నారు. ఆమెపై దాడి చేశారు. రాములమ్మ కాళ్ళు, చేతులు కట్టేశారు. అరవకుండా నోట్లో గుడ్డలు కుక్కారు. ఆమె వంటి పై ఉన్న 10 తులాల బంగారం, 25 తులాల వెండి ఆభరణాలు తీసుకున్నారు. ఆమెను ఇంట్లోనే వదిలి అక్కడి నుంచి పరార్ అయ్యారు. కాసేపటికి వృద్దురాలు నోట్లోని గుడ్డలు తీసుకుని కిటికీలోనుండి అరిచింది. దీంతో చుట్టుపక్కల వారు ఆ వృద్దురాలి ఇంటికి చేరుకొని చూడగా స్వల్ప గాయలు అయ్యాయి. స్థానికులు ఆమెను ములుగులోని ఆర్ వి ఏం హిస్పిటల్ కు తరలించారు. ఘాటన స్థలానికి చేరుకున్న పోలీసులు కేసు నమోదు చేసుకొని దార్యాప్తు చేస్తున్నారు. స్థానికులు తెలిపిన వివరాల ప్రకారం ఆ దంపతులు వారం క్రితమే అద్దెకు దిగారని వారికీ ఇంట్లోకి సామాన్లు లేకపోతే వృద్దురాలే ఇచ్చిందని తెలిపారు. దొంగతనానికి పాల్పడ్డ దుండగుల కోసం పోలీసులు సీసీ కెమెరాలను పర్యవేక్షిస్తున్నారు. దంపతులు పక్కా ప్లాన్ తోనే వృద్ధురాలి ఇంటికి వచ్చినట్లు పోలీసులు అనుమానం వ్యక్తం చేస్తున్నారు.
