బిల్కిస్‌ బానో దోషులు విడుదల..

న్యూఢల్లీి, అక్టోబర్‌ 18 (ఆంధ్రపత్రిక): 2002 నాటి గోద్రా అల్లర్ల సమయంలో బిల్కిస్‌ బానోపై అత్యాచార ఘటనకు సంబం ధించిన కేసులో దోషులు ఇటీవల జైలు నుంచి విడుదల కావడంపై తీవ్ర వ్యతిరేకత వ్యక్తమైంది.ఈ కేసులో దోషులకు రెమిషన్‌ మంజూరు చేసి విడుదల చేయడాన్ని సవాల్‌ చేస్తూ సుప్రీంకోర్టులో పలు పిటిషన్లు దాఖల య్యాయి. తాజాగా వారి విడుదలను కేంద్రమంత్రి ప్రహ్లాద్‌ జోషి సమర్థించారు. గుజరాత్‌ ఎన్నికల ప్రచారంలో ఉన్న ఆయనను ఓ జాతీయ మీడియా సంస్థ ఈ కేసు గురించి ప్రశ్నించింది. దీనిపై మంత్రి స్పందిస్తూ.. ‘అంతా చట్ట ప్రకారమే జరిగింది కాబట్టి ఇందులో నాకు ఎలాంటి తప్పు కనిపించలేదు. కొంతకాలం జైలులో శిక్ష అనుభవించిన ఖైదీల విడుదల కోసం నిబంధనలున్నాయి. చట్ట ప్రకారమే అది జరుగుతుంది’ అని వెల్లడిరచారు.ఇదిలా ఉంటే..ఈ పిటిషన్లు ప్రస్తుతం సుప్రీంకోర్టు విచారణలో ఉన్నాయి. ఈ క్రమంలో వాటిపై స్పందించాలని గుజరాత్‌ ప్రభుత్వాన్ని కోర్టు ఆదేశించింది. దానిలో భాగంగానే సోమవారం ఆ రాష్ట్ర ప్రభుత్వం అఫిడవిట్‌ దాఖలు చేసింది. సత్ప్రవర్తన కారణంగానే వారికి శిక్ష తగ్గించామని, 14 ఏళ్లకు పైగా జైల్లో గడిపినందునే వారిని విడుదల చేశామని అందులో పేర్కొంది. ఈ ప్రభుత్వ అఫిడవిట్‌ను మంగళవారం పరిశీలించిన సర్వోన్నత న్యాయస్థానం.. దీనిపై స్పందన దాఖలు చేయడానికి పిటిషనర్లకు కొంత గడువు ఇచ్చింది. దీనిపై తదుపరి విచారణను నవంబర్‌ 29కి వాయిదా వేసింది.