ఇందులో భాగంగా ఎనిమిదో సీజన్ లో మొదటి వైల్డ్ కార్డ్ కంటెస్టెంట్ గా ప్రముఖ నటి హరి తేజ బిగ్ బాస్ హౌస్ లోకి అడుగు పెట్టింది. సీరియల్స్‌, లతో బాగా పాపులరైన ఆమె బిగ్ బాస్ మొదటి సీజన్ లోనూ కంటెస్టెంట్ గా అడుగు పెట్టింది. తన ఆట, మాట తీరుతో బుల్లితెర అభిమానుల మనసులు గెల్చుకుంది. గ్రాండ్ ఫినాలే వరకు చేరకుని సెకెండ్ రన్నరప్‌గా నిలిచింది. మరి ఇప్పుడు బిగ్‌బాస్‌ ఎనిమిదో సీజన్‌లో వైల్డ్‌ కార్డ్‌ కంటెస్టెంట్‌గా అడుగుపెట్టిందీ అందాల తార. మూడేళ్ల కూతురిని వదిలేసి మరీ ఈ బుల్లితెర రియాలిటీ షోలో ఎంట్రీ ఇచ్చింది హరి తేజ. మరి ఈసారి కూడా ఆమె గ్రాండ్ ఫినాలేకు చేరుకుంటుందా? లేదా? అన్నది మరికొన్ని రోజుల్లో తెలియనుంది. ఈ సందర్భంగా బిగ్ బాస్ మాజీ కంటెస్టెంట్, టాలీవుడ్ ప్రముఖ హీరో నవదీప్ హరి తేజకు ఆల్ ది బెస్ట్ చెబుతూ ఒక వీడియోను పంపించారు. కాగా బిగ్ బాస్ హౌస్ లోకి వెళ్లే ముందుకు తన మూడేళ్ల కూతురితో కలిసి స్టేజి పైకి వచ్చింది హరితేజ. ఈ సందర్భంగా ఎమోషనల్ అయ్యి కన్నీళ్లు పెట్టుకుంది.

కాగా సీరియల్స్‌, లతో టాలీవుడ్ లో మంచి గుర్తింపు తెచ్చుకుంది హరి తేజ. ముఖ్యంగా బిగ్ బాస్ తర్వాత ల్లో బిజీ అవడమే కాకుండా యాంకర్ గానూ అవతారమెత్తిందీ అందాల తార. ఫిదా మీ ఫేవరెట్‌ స్టార్‌తో, పండగ చేస్కో, సూపర్‌ సింగర్‌, లక్కీ ఛాన్స్‌.. ఇలా పలు షోలకు యాంకర్‌గా వ్యవహరించి బుల్లితెర ఆడియెన్స్ మనసులు గెల్చుకుంది.

ఇక అఆ, యూ టర్న్, అరవింద సమేత వీర రాఘవ, ప్రతిరోజు పండగే, హిట్‌ చిత్రాల్లోనూ నటించింది హరితేజ. ఇటీవలే రిలీజైన ఎన్టీఆర్ దేవర లో హీరోయిన్‌ ఫ్రెండ్‌గా మెప్పించిందీ ముద్దుగుమ్మ.