నకిలీ వెబ్‌సైట్‌తో జాగ్రత్త!

దిల్లీ,డిసెంబర్‌ 15 (ఆంధ్రపత్రిక): సైబర్‌ నేరగాళ్లు చెలరేగిపోతున్నారు. అవకాశం ఉన్న చోట అందినకాడికి దోచుకుంటున్నారు. తాజాగా సీబీఎస్‌ఈ విద్యార్థులే లక్ష్యంగా మోసాలకు దిగారు.సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ పేరిట ఓ నకిలీ వెబ్‌సైట్‌ తెరిచి కొత్త దందాకు తెరతీశారు. రిజిస్ట్రేషన్‌ ఫీజు పేరుతో డబ్బులు వసూలు చేస్తున్నట్లు దృష్టికి రావడంతో ప్రెస్‌ ఇన్ఫర్మేషన్‌ బ్యూరో అప్రమత్తమైంది. ఇలాంటి నకిలీ వెబ్‌సైట్ల విషయంలో జాగ్రత్తగా ఉండాలని విద్యార్థులకు ట్విటర్‌ వేదికగా ఫ్యాక్ట్‌చెక్‌ అలర్ట్‌ జారీ చేసింది.ఓ నకిలీ వెబ్‌సైట్‌లో అడ్మిట్‌కార్డు రిజిస్ట్రేషన్‌ కోసం డబ్బులు కట్టాలని ఫేక్‌ లింక్‌ చూపిస్తోందంటూ పీఐబీ దృష్టికి వచ్చింది. దీంతో ఈ సైట్‌కు ఎలాంటి అనుమతీ లేదని పీఐబీ తెలిపింది. కేవలం షపంవ.స్త్రశీఙ.ఱఅ, షపంవ.అఱష.ఱఅ మాత్రమే సీబీఎస్‌ఈకి చెందిన అధికారిక వెబ్‌సైట్లు అని పేర్కొంది. పరీక్ష తేదీలు, డేటా షీట్లు, పరీక్షా ఫలితాలు మొదలైన సమాచారం కోసం అధికార వెబ్‌సైట్లను సంప్రదించాలని తెలిపింది. ఏదైనా సమాచారం తనిఖీ చేసేటప్పుడు అసలుదా? నకిలీదా? అనేది చెక్‌ చేసుకోవాలని సూచించింది.