Author: admin

రాష్ట్రపతి అభ్యర్థిగా పోటీ చేయడానికి తాను దాఖలు చేసిన నామినేషన్‌ని రిటర్నింగ్‌ అధికారి తిరిస్కరించడంతో ఆంధ్రప్రదేశ్‌లోని ప్రకాశం జిల్లాకు చెందిన మందాటి తిరుపతి రెడ్డి సుప్రీం కోర్టును ఆశ్రయించారు. ఆ పిటిషన్‌పై న్యాయమూర్తులు జస్టిస్‌ సూర్యకాంత్‌, జస్టిస్‌ జేబీ పర్డివాలాతో కూడిన వేకేషన్‌ ధర్మాసనం విచారణ జరిపింది. రాష్ట్రపతి, ఉపరాష్ట్రపతి ఎన్నికల చట్టం-1952లోని సెక్షన్‌ 5బీ(1)(ఏ) ప్రకా రం తిరస్కరణకు గురైందన్న అంశాన్ని విస్మరించలేమని.. అందువల్ల నామినేషన్‌ని తిరస్కరించడంలో న్యాయపరమైన తప్పిదమేమీ లేదని పేర్కొంది. తాము ఈ వ్యవహారంలో జోక్యం చేసుకోలేమంటూ పిటిషన్‌ని కొట్టివేసింది

ఉదయ్‌పూర్‌ హత్య ఘటన పక్కా ‘పాక్‌ ఉగ్రవాద ప్రేరేపిత చర్య’ కావొచ్చంటూ జాతీయ దర్యాప్తు సంస్థ (ఎన్‌ఐఏ) అనుమానాలే నిజమయ్యాయి. పదునైన కత్తితో శరీరం నుంచి తలను వేరు చేయడం ద్వారా రాజస్థాన్‌లోని ఉదయ్‌పూర్‌లో దర్జీ కన్హయ్యాలాల్‌ (48)ను అత్యంత పాశవికంగా హత్యచేసిన నిందితులు మహమ్మద్‌ రియాజ్‌ అక్తారీ, గౌస్‌ మహమ్మద్‌కు పాకిస్థాన్‌కు చెందిన తీవ్రవాద సంస్థ ‘దావత్‌-ఎ-ఇస్లామీ’తో సంబంధాలున్నట్లు తేలింది. ఈ దారుణ హత్యోదంతం దిశగా ఆ ఇద్దరిని ఉసిగొల్పింది అక్కడి ఆ సంస్థ ప్రతినిధులేననీ స్పష్టమైంది. కరాచీ కేంద్రంగా ఉన్న కార్యాలయం నుంచి హంతకులకు ఫోన్లు వచ్చాయి. ‘నూపుర్‌ శర్మ వ్యాఖ్యలపై మేమిక్కడ నిరసన తెలిపాం. మీ ప్రతిస్పందన మాత్రం ‘‘తీవ్రంగా’’ఉండాలి.. ఆ ఘటన తాలూకు వీడియోనూ మాకు పంపాలి అని వారికి ఆదేశాలొచ్చాయి!! గౌస్‌కు అయితే దావత్‌-ఎ-ఇస్లామీ సంస్థతో దగ్గరి సంబంధాలున్నట్లు నిర్ధారణ జరిగింది. అతడు 2014లో పాకిస్థాన్‌కు వెళ్లి కరాచీలోని ఆ సంస్థ కార్యాలయంలో 45…

Delhi: పార్లమెంట్ వర్షాకాల సమావేశాలు జులై 18 నుంచి  ప్రారంభం కానున్నాయి. సమావేశాల ప్రారంభానికి సంబంధించి లోక్‌సభ, రాజ్యసభ సచివాలయాలు విడివిడిగా ప్రకటనలు జారీ చేశాయి. రాష్ట్రపతి ఆమోదం మేరకు ఈ ప్రకటన విడుదల చేశారు. ఆగస్టు 12 వరకు సమావేశాలు జరుగుతాయని ప్రకటనలో పేర్కొన్నారు.

ముంబై:శివసేన రెబెల్ నేత ఏక్‌నాథ్ షిండే(Eknath Shinde) మహారాష్ట్ర ముఖ్యమంత్రి(Maharashtra Chief Minister) అవ్వడంపై ఎన్సీపీ చీఫ్(NCP chief) శరద్ పవార్(Sharad Pawar) ఆశ్చర్యం వ్యక్తం చేశారు. ఈ పరిణామాన్ని తాను ఊహించలేదని, వాస్తవానికి ఆయన ఉప ముఖ్యమంత్రి అవుతారని అనుకున్నట్లు ఆయన తెలిపారు. షిండే ప్రమాణ స్వీకారం అనంతరం గురువారం ఆయన మీడియాతో మాట్లాడుతూ ఈ వ్యాఖ్యలు చేశారు. దీనికి ముందు ఆయన ముఖ్యమంత్రి ఏక్‌నాథ్ షిండేకు ఉప ముఖ్యమంత్రి దేవేంద్ర ఫడ్నవీస్‌కు శుభాకాంక్షలు తెలిపారు.

హైదరాబాద్: తెలంగాణ ప్రత్యేకతను చాటే బోనాల పండుగ తెలంగాణ జీవన వైవిద్యానికి, పర్యావరణ,ప్రకృతి ఆరాధనకు ప్రతీకంగా నిలుస్తుందని ముఖ్యమంత్రి కె.చంద్రశేఖరరావు అన్నారు. రాష్ట్రపండుగైన బోనాల పండగ ప్రారంభమైన సందర్భంగా తెలంగాణ ప్రజలకు ముఖ్యమంత్రి కేసీఆర్ శుభాకాంక్షలు తెలిపారు. గోల్కొండ జగదాంబికా అమ్మవారికి బోనం సమర్పణతో గురువారం నుంచి తెలంగాణలో బోనాల ఉత్సవాలు ప్రారంభమయ్యాయని అన్నారు. ప్రతి ఏటా ఆషాఢం, శ్రావణ మాసాల్లో రాష్ట్ర వ్యాప్తంగా జరుపుకునే బోనాల పండుగను రాష్ట్ర పండుగగా నిర్వహిస్తున్నామన్నారు. తెలంగాణ సబ్బండ వర్గాల సాంప్రదాయాలకు, రాష్ట్ర ప్రభుత్వం సముచిత గౌరవాన్నిస్తున్నదని సీఎం అన్నారు. రాష్ట్ర ప్రజలకు సుఖ సంతోషాలు, ఆయురారోగ్యాలు అందించాలని అమ్మవారిని సీఎం కేసీఆర్ ప్రార్ధించారు.

Hyderabad: బీజేపీ జాతీయ కార్యవర్గ సమావేశాల్లో భాగంగా 1వ తేదీ మధ్యాహ్నం 3గంటలకు బీజేపీ జాతీయ కార్యదర్శి జేపీ నడ్డా శంషాబాద్ ఎయిర్ పోర్ట్‌కు చేరుకుంటారు. శంషాబాద్ టౌన్‌లో కిలోమీటర్ మేర రోడ్ షో నిర్వహిస్తారు. సాయంత్రం 6 గంటలకు నోవాటెల్‌లో ఫొటో ఎగ్జిబిషన్‌ను ప్రారంభిస్తారు. 7గంటలకు జాతీయ ప్ర‌ధాన కార్య‌ద‌ర్శుల‌తో స‌మావేశమవుతారు. 8.30 గంటలకు భ‌ర‌త‌నాట్యం, శివ‌తాండ‌వం, సాంస్కృతిక కార్య‌క్ర‌మాలు ఉంటాయి.

బీజేపీ (Bjp) జాతీయ కార్యవర్గ సమావేలకు సర్వం సిద్ధమైంది. జులై 2, 3 తేదీల్లో సమావేశాలు జరగనున్నాయి. ఈ సమావేశాలకు బీజేపీ అగ్రనేతలు హాజరుకానున్నారు. ఈ మేరకు తెలంగాణ బీజేపీ నేతలు ఇప్పటికే అన్ని ఏర్పాట్లు చేశారు. ప్రధాని మోదీ (Pm Modi)తో పాటు బీజేపీ జాతీయ అధ్యక్షుడు జేపీ నడ్డా (Jp Nadda) హాజరుకానున్నారు. అయితే సమావేశాలకు సంబంధించిన వేదికలను తెలంగాణ (Telangana) ఫ్లేవర్‎ను జోడించారు. హెచ్ఐసీసీ నోవాటెల్ ప్రాంగణానికి శాతవాహన నగర్‎గా పేరు పెట్టారు. సమావేశాలు జరిగే హాల్‎కు కాకతీయ ప్రాంగణంగా నామకరణం చేశారు. అతిథులు బస చేసే ప్రాంగణానికి సమ్మక్క-సారలమ్మ నిలయంగా పేరు ఫిక్స్ చేశారు. జాతీయ ప్రధాన కార్యదర్శల సమవేశం జరిగే మీటింగ్ హాలుకు వందేమాతరం రామచంద్రరావు పేరు, మీడియా పాయింట్ కు సోయాబుల్లాఖాన్ పేరు, జాతీయ కార్యవర్గ సమావేశాల కార్యాలయానికి భక్త రామదాసుగా, బీజేపీ ఫుల్ టైమర్  వర్కర్స్ సమావేశానికి కొమురం భీం పేరు,…

రాష్ట్ర ప్రభుత్వ ఆహ్వానంపై టి-హబ్‌ 2 భవనం ప్రారంభోత్సవానికి వచ్చిన వివిధ రాష్ట్రాలకు చెందిన యూనికార్న్‌ స్టార్ట్‌ప్సతో ఐటీ మంత్రి కేటీఆర్‌ సమావేశమయ్యారు. టిహబ్‌ భవనాన్ని మంగళవారం సీఎం కేసీఆర్‌ ప్రారంభించిన అనంతరం యూనికార్న్‌ స్టార్ట్‌పల వ్యవస్థాపకులను సన్మానించారు. అదే రోజు రాత్రి కేటీఆర్‌ వారితో వేర్వేరుగా సమావేశమయ్యారు. సీఎస్‌ సోమేశ్‌ కుమార్‌, డీజీపీ మహేందర్‌ రెడ్డి, ఐటీ శాఖ కార్యదర్శి జయేశ్‌ రంజన్‌ కూడా ఈ కార్యక్రమంలో పాల్గొన్నారు. పెట్టుబడులకు తెలంగాణ అత్యంత అనుకూలంగా ఉందని ఈ సందర్భంగా మంత్రి తెలిపారు. పెట్టుబడులను ప్రోత్సహించేందుకు దేశంలో ఏ రాష్ట్రంలో లేనివిధంగా పారిశ్రామికవేత్తలకు అనుకూల విధానాలను రూపొందించామన్నారు. గూగుల్‌, మైక్రోసాఫ్ట్‌, ఫేస్‌బుక్‌, అమెజాన్‌ వంటి ప్రపంచంలోని ప్రముఖ టెక్నాలజీ కంపెనీలు ఇప్పటికే హైదరాబాద్‌లో తమ కార్యాలయాలు ప్రారంభించాయని, ఐటీ రంగంలో ప్రపంచపటంలో నగరానికి విశిష్టస్థానం ఉందన్నారు. పెట్టుబడులకు సిద్ధమైతే రాష్ట్ర ప్రభుత్వం పూర్తి సహకారం అందిస్తుందని మంత్రి హామీ ఇచ్చారు. లీడ్‌…

తెలంగాణలో కాషాయ జెండా ఎగురవేయడమే లక్ష్యంగా బీజేపీ జాతీయ నాయకత్వం సమరశంఖం పూరించబోతోంది. మరో ఏడాదిన్నర వ్యవధిలో జరగనున్న అసెంబ్లీ ఎన్నికల్లో కేసీఆర్‌ ప్రభుత్వాన్ని ఓడించడం, టీఆర్‌ఎస్‌ కంచుకోటను బద్దలు కొట్టడమే లక్ష్యంగా తెలంగాణను బీజేపీ ఎంపిక చేసుకుంది. ఇందుకోసం హైదరాబాద్‌ వేదికగా పార్టీ జాతీయ కార్యవర్గ సమావేశాలను నిర్వహిస్తోంది. ఈ సమావేశాలు రాష్ట్ర రాజకీయాలకు కీలక మలుపు కాబోతున్నాయన్న ధీమాతో కమలనాథులు ఉన్నారు. వీటిని విజయవంతంగా నిర్వహించడం ద్వారా తెలంగాణ వ్యాప్తంగా క్షేత్రస్థాయికి దూసుకుపోవాలని భావిస్తున్నారు. అధికార టీఆర్‌ఎ్‌సకు ప్రత్యామ్నాయం తామేనని బీజేపీ నేతలు పదే పదే చెబుతున్న విషయం తెలిసిందే. ఈ నేపథ్యంలో టీఆర్‌ఎస్‌ ప్రభుత్వ వైఫల్యాలకు వ్యతిరేకంగా ఓటువేసే వారికి తక్షణ ప్రత్యామ్నాయంగా తామే గుర్తుకు వచ్చేందుకు ప్రయత్నాలు చేస్తున్నారు. ఇప్పటికే కేంద్రంలో తాము అధికారంలో ఉన్నందున ప్రధాని మోదీ ప్రభుత్వ విజయాలను తెలంగాణ వ్యాప్తంగా విస్తృతంగా ప్రచారం చేయనున్నారు. ఐదేళ్ల తర్వాత దేశ రాజధాని వెలుపల,…

ఈటల రాజేందర్‌ కుటుంబానికి చెందిన జమున హేచరీస్‌ కబ్జా చేసినట్టుగా అధికారులు నిర్థారించిన భూములను రీఅసైన్‌ చేస్తూ బుధవారం పట్టాలను పంపిణీ చేశారు. మెదక్‌ జిల్లా మాసాయిపేట మండలం అచ్చంపేట, హకీంపేటలో మొత్తం 85.19 ఎకరాల భూములను 65 మంది రైతులకు అధికారులు రీఅసైన్‌ చేశారు. అయితే గతేడాది డిసెంబరు 6న జిల్లా కలెక్టర్‌ హరీశ్‌ విలేకర్ల సమావేశంలో మాట్లాడుతూ… జమున హేచరీస్‌ 70.33 ఎకరాలను కబ్జా చేసినట్లు పేర్కొన్నారు. కానీ, బుధవారం 85.19 ఎకరాల భూమిని అసైన్డ్‌దారులకు పంపిణీ చేసినట్లు అధికారులు పేర్కొనడం గమనార్హం. మెదక్‌ ఎంపీ కొత్త ప్రభాకర్‌రెడ్డి, నర్సాపూర్‌ ఎమ్మెల్యే చిలుముల మదన్‌రెడ్డి, తూప్రాన్‌ ఆర్డీవో శ్యాంప్రకాశ్‌, మాసాయిపేట తహసీల్దార్‌ మాలతీ రీఅసైన్డ్‌ పట్టాలను భూముల వద్దనే రైతులకు అందజేశారు. కాగా… పట్టాల పంపిణీ జరిగే వరకు అధికారులు సమాచారాన్ని గోప్యంగా ఉంచారు. భూముల వద్దకు రెవెన్యూ అధికారులు ఉదయమే చేరుకున్నారు. ఈ సందర్భంగా భారీగా పోలీసు…