ఎట్టకేలకు అసాంజేకు స్వేచ్ఛ

వికీలీక్స్ ఫౌండర్ జూలియన్ అసాంజేకు ఎట్టకేలకు స్వేచ్ఛ లభించింది. గూఢచర్య ఆరోపణలతో సుదీర్ఘ కాలం జైల్లో మగ్గిన ఆయన మరియానా దీవుల్లోని అమెరికా కోర్టులో తన నేరాన్ని అంగీకరించారు. జర్నలిస్టుగా తనకున్న హక్కులపై నమ్మకంతోనే రహస్యాలను తెలుసుకోవాలనుకున్నట్లు తెలిపారు. అసాంజేకు 62 నెలల శిక్ష విధించిన కోర్టు, ఇప్పటికే ఆ శిక్షను అనుభవించారు కాబట్టి స్వేచ్ఛగా స్వదేశం ఆస్ట్రేలియాకు వెళ్లొచ్చని తీర్పునిచ్చింది.