ప్రాచీన కళలను  కళాకారులను ఆదరించాలి

డీసీసీబీ చైర్మన్ వేచలపు.
వేపాడ,మార్చి,30(ఆంధ్ర పత్రిక):- ప్రాచీన కళలను కళాకారులను ఆదరించడం ద్వారా సాంప్రదాయాలకు ఊపిరి పోయాలని డీసీసీబీ చైర్మన్ వేచలపు వెంకట చిన రామునాయుడు అన్నారు.మండలంలోని నీలకంఠరాజపురం గ్రామంలో శ్రీసీతారాముల కళ్యాణమహోత్సవాన్ని పురష్కరించుకొని గురువారం అనకాపల్లి జిల్లా కే. కోటపాడు మండలం దీక్షితుల అగ్రహారం గ్రామానికి చెందిన మహిళాకోలాటం బృందానికి రెండేసి చీరలను,పురుషులకు సాంప్రదాయ వస్త్రాలను ఆయన అందజేశారు.ఈ సందర్బంగా చినరామునాయుడు మాట్లాడుతూ,డీ.జే శబ్దాలతో అసభ్యకర నృత్యాలతో యువత భవితను నిర్వీర్యం చేస్తున్న నేటి సమాజంలో ప్రతి ఒక్కరూ మార్పు కోరుకొనేందుకు ప్రాచీన కళలను కళాకారులను బ్రతికించుకోవాలన్నారు. పాచ్యాత్తధోరణులతో ప్రాచీన కళలు అంతరించిపోకుండా పునర్జీవం పోయాల్సిన ఆవశ్యకత అందరిపై ఉందన్నారు.ప్రాచీన కళలకు ఆదరణ కొరవడడం వల్ల కళాకారులకు ఉపాధి లేక కళారంగం ఒదిలి ఇతర ఉపాధి అవకాశాలపై దృష్టి పెట్టాల్సిన ఆవశ్యకత ఏర్పడి ఉందన్నారు. ఈ కార్యక్రమంలో చినగుడిపాల సర్పంచ్ భోజంకి రామునాయుడు,మాజీ ఎంపీటీసీ వేచలపు జగ్గిబాబు,మహిళా కోలాట బృందం గురువు కొల్లి రాములు తదితరులు పాల్గొన్నారు.