ఎమ్మెల్సీగా అనూరాధ ఎన్నిక హర్షణీయం

కె.కోటపాడు,మార్చి24(ఆంధ్రపత్రిక):
ఎమ్మెల్యే కోటాలో ఎమ్మెల్సీగా విజయవాడ మాజీ మేయర్ పంచుమర్తి అనురాధ ఎన్నిక కావడం హర్షణీయమని మండల తెలుగుదేశం పార్టీ అధ్యక్షులు రొంగలి మహేష్ అన్నారు. గురువారం ఆయన విలేఖరులతో మాట్లాడారు. అనురాధ విజయం తెలుగుదేశంపార్టీ శ్రేణుల్లో నూతన ఉత్సాహాన్ని రెట్టింపు చేసిందని అన్నారు. అధికార పార్టీ అహంకారానికి అనురాధ విజయం ఒక గుణపాఠం అన్నారు. రాష్ట్రంలో ప్రజల ఆదరాభిమానాలతో తెలుగుదేశంపార్టీ మళ్లీ అధికారంలోకి వచ్చి ముఖ్యమంత్రిగా చంద్రబాబు నాయుడు బాధ్యతలు చేపట్టి సుస్థిరమైన జన రంజక పాలన అందిస్తారని మండల టిడిపి అధ్యక్షులు మహేష్ అన్నారు.