డీఈవో గా బాధ్యతలు స్వీకరించిన శ్రీ భాస్కర్ రెడ్డి

తిరుపతి,అక్టోబర్ 21 (ఆంధ్రపత్రిక): టీటీడీ విద్యాశాఖాధికారిగా శ్రీ మట్లి భాస్కర్ రెడ్డి శుక్రవారం బాధ్యతలు స్వీకరించారు . పుత్తూరు ప్రభుత్వ డిగ్రీ కళాశాల ప్రిన్సిపాల్ గా పనిచేస్తున్న ఆయన్ను ప్రభుత్వం డిప్యుటేషన్ మీద డిఈవో గా నియమించింది . ఇప్పటిదాకా దేవస్థానం విద్యావిభాగం డిప్యూటీ ఈవో గా విధులు నిర్వహిస్తున్న శ్రీ గోవిందరాజన్ నుంచి శ్రీ భాస్కర్ రెడ్డి నూతన భాద్యతలు తీసుకున్నారు . ఈ సందర్బంగా శ్రీ గోవిందరాజన్ శ్రీ భాస్కర్ రెడ్డి ని అభినందించారు . శ్రీవేంకటేశ్వర స్వామి వారు తనకు కల్పించిన ఈ అదృష్టాన్ని సద్వినియోగం చేసుకుని సేవలు అందిస్తానని శ్రీ భాస్కర్ రెడ్డి చెప్పారు .