దేశభక్తి కలిగిన పత్రిక ఆంధ్రపత్రిక

విశాఖపట్నం, అక్టోబర్‌ 25 (ఆంధ్రపత్రిక):స్వాతంత్య్ర సమరానికి అక్షరాయుధాలు అందించిన, దేశభక్తి కలిగిన ఆంధ్రపత్రిక తెలుగు ప్రజలందరికీ సుపరిచితమేనని, విశాఖ నగర స్పెషల్‌ బ్రాంచ్‌ ఏడిసిపి కే.ఆనంద్‌ రెడ్డి అన్నారు. తమ చాంబర్లో ఆంధ్రపత్రిక ప్రచురించిన పోలీసు అమరవీరుల సంస్కరణ దినోత్సవం, దీపావళి ప్రత్యేక సంచికను ఆయన ఆవిష్కరించారు. ఈ సందర్భంగా ఆనంద్‌ రెడ్డి మాట్లాడుతూ, ఎంతో విలువలతో కూడిన ఆంధ్రపత్రిక ఇటువంటి ప్రత్యేక సంచికలు తీసుకు రావడం ద్వారా విలువైన సమాచారాన్ని ప్రజలకు అందిస్తుందన్నారు. వాస్తవాలు వెలికి తీయడంలో ఆంధ్రపత్రికకు మరే పత్రిక సాటిరాదన్నారు. ఈ కార్యక్రమంలో స్పెషల్‌ బ్రాంచ్‌ సిఐ 1 హెచ్‌ మల్లేశ్వరరావు, ఆంధ్రపత్రిక బ్యూరో చీఫ్‌ పీజే నాయుడు, పాత్రికేయుడు ఎస్‌ఎం ఆన్సర్‌ ఆలీ పాల్గొన్నారు.