దళిత నాయకుల ఆధ్వర్యంలో ఘనంగా అంబేద్కర్ జయంతి వేడుకలు:-దళిత నాయకుడు మైలా గణేష్*

చిలకలూరిపేట,ఏప్రిల్ – 14, (ఆంధ్ర పత్రిక)*:-డాక్టర్ బి.ఆర్ అంబేద్కర్ 132వ జన్మదినాన్ని పురస్కరించుకొని పట్టణంలోని కళామందిర్ సెంటర్ మున్సిపల్ కాంప్లెక్స్ వద్ద ఉన్న అంబేద్కర్ విగ్రహానికి నియోజకవర్గ దళిత నాయకుల ఆధ్వర్యంలో పూలమాలలు వేసి ఘన నివాళులర్పించారు.ముందుగా డాక్టర్ బి.ఆర్ అంబేద్కర్ జన్మదిన కేకును దళిత నాయకులు కట్ చేసి శుభాకాంక్షలు తెలిపారు.దళిత నాయకుడు మైలా గణేష్ ఈ సందర్భంగా మాట్లాడుతూ నియోజకవర్గ ప్రజలందరికీ డాక్టర్ బి.ఆర్ అంబేద్కర్132వ జన్మదిన శుభాకాంక్షలు తెలిపారు.ముఖ్యంగా భారత రాజ్యాంగ నిర్మాత డాక్టర్ బి.ఆర్ అంబేద్కర్ చిత్రమును భారత కరెన్సీ నోటు పై ముద్రించవలసిందిగా డిమాండ్ చేస్తున్నాము అని తెలిపారు. ఈ కార్యక్రమంలో దళిత నాయకులు, యువకులు, అంబేద్కర్ వాదులు, తదితరులు పాల్గొన్నారు.