గోవా బీచ్‌లో భార్యతో అల్లు సందడి

జనవరి 02 (ఆంధ్రపత్రిక): సినిమా స్టార్స్‌ తమ సినిమాలతో ఎంత బిజీగా ఉన్నా సరే ఫ్యామిలీకి టైం కేటాయిస్తూనే ఉంటారు. వారితో సరదాగా గడిపేందుకు వెళ్తుంటారు. ఇక న్యూ ఇయర్‌ లాంటి టైం లో కంప్లీట్‌గా రెస్ట్‌ మూడ్‌లో ఉన్నారు. అందుకే ఫ్యామిలీతో జాలీ ట్రిప్‌లు వేస్తున్నారు. ఈ క్రమంలో న్యూ ఇయర్‌ సందర్భంగా ఐకాన్‌ స్టార్‌ అల్లు అర్జున్‌ కూడా ఫ్రెండ్స్‌ అండ్‌ ఫ్యామిలీతో కలిసి గోవాలో న్యూ ఇయర్‌ సెలబ్రేట్‌ చేసుకున్నట్టు తెలుస్తుంది. అల్లు అర్జున్‌తో సతీమణి స్నేహా రెడ్డి దిగిన ఫోటోని ఆమె సోషల్‌ మీడియాలో షేర్‌ చేసింది. బీచ్‌ ఒడ్డున భార్యతో అలా బన్నీ క్యాజువల్‌ ఫోటో అల్లు ఫ్యాన్స్‌ని విశేషంగా ఆకట్టుకుంటోంది. స్నేహారెడ్డి కూడా హీరోయిన్స్‌కి ఏమాత్రం తీసిపోని విధంగా తన ఫోటో షూట్స్‌తో అలరిస్తుంది. ఆ ఫోటో షూట్స్‌ కూడా ఆమెకు ప్రత్యేకమైన క్రేజ్‌ ఏర్పడేలా చేస్తున్నాయి. ప్రస్తుతం పుష్ప 2 సెట్స్‌ మీద ఉండగా న్యూ ఇయర్‌ టైంకి ఇలా ఫ్యామిలీతో టైం స్పెండ్‌ చేస్తూ రిలాక్స్‌ అవుతున్నాడు అల్లు అర్జున్‌. మళ్లీ త్వరలో పుష్ప 2 నెక్ట్స్‌ షెడ్యూల్‌ మొదలు కాబోతుందని తెలుస్తుంది. అది మొదలైతే మాత్రం మళ్లీ కొన్నాళ్ల పాటు బిజీ బిజీగా ఉంటాడు. అందుకే దొరికిన ఈ కొద్దిపాటి టైం ని ఫ్యామిలీతో ఎంచక్కా గడిపేస్తున్నాడు. అల్లు అర్జున్‌ స్నేహా రెడ్డిల లేటెస్ట్‌ ఫోటో సోషల్‌ మీడియాలో వైరల్‌గా మారింది.