అల్లరి నరేశ్‌ ఉగ్రం టీజర్‌ నేడు విడుదల

నాంది సినిమాతో మంచి నటుడిగా గుర్తింపు తెచ్చుకున్న అల్లరి నరేశ్‌ తర్వాత సినిమాల ఎంపికలో కాస్త రూటు మార్చేశాడు. ఈ టాలెంటెడ్‌ యాక్టర్‌ ప్రస్తుతం నటిస్తు న్న చిత్రం ఉగ్రం. నాంది ఫేం విజయ్‌ కనకమేడల మరోసారి ఈ సినిమా కు దర్శకత్వం వహిస్తున్నాడు. మలయాళ భామ మిర్ణా హీరోయిన్‌గా నటిస్తోంది. తాజాగా ఈ సినిమాకు సంబంధించిన అప్‌డేట్‌ వచ్చింది. ఉగ్రం టీజర్‌ను బుధవారం ఉదయం 11:34 గంటలకు లాంఛ్‌ చేయబోతున్నట్టు తెలియజేస్తూ ఓ పోస్టర్‌ను షేర్‌ చేసుకున్నాడు అల్లరి నరేశ్‌. నేను ఇంతకుముందెన్నడూ చేయని, విూరు ఇంతముందు ఎన్నడూ చూడని.. కొత్త అంశంతో విూ ముందుకొస్తున్నా అంటూ టీజర్‌ అప్‌డేట్‌ అందించాడు. డార్క్‌ షేడ్స్‌ ఉన్న లొకేషన్‌ నుంచి అల్లరి నరేశ్‌ రాయల్‌ ఎన్‌ఫీల్డ్‌ బైక్‌పై వస్తున్న లుక్‌ సినిమాపై క్యూరియాసిటీ పెంచుతోంది. ఉగ్రం చిత్రానికి టూమ్‌ వెంకట్‌, అబ్బూరి రవి కథ, సంభాషణలు సమకూరుస్తున్నారు. స్క్రీన్‌ బ్యానర్‌పై సాహు గారపాటి, హరీష్‌ పెద్ది ఈ చిత్రాన్ని నిర్మిస్తున్నారు. ఉగ్రం చిత్రానికి శ్రీచరణ్‌ పాకాల సంగీతం అందిస్తున్నాడు. ఈ మూవీ మే 5న థియేటర్లలో సందడి చేయనుండగా.. ఈ ఏడాది ఇట్లు మారేడుమిల్లి ప్రజానీకం సినిమాతో ప్రేక్షకుల ముందుకొచ్చాడు అల్లరి నరేశ్‌. ఈ సినిమా ఆశించిన స్థాయిలో ప్రేక్షకులను ఆకట్టుకోలేకపోయింది.