ప్రజలందరికి శ్రీసీతారాముల ఆశీస్సులు అందాలి

ఎస్.కోట ఎమ్మెల్యే కడుబండి శ్రీనివాసరావు.
వేపాడ,మార్చి,30(ఆంధ్ర పత్రిక ):- శ్రీరామనవమిని పురష్కరించుకొని ప్రజలందరికి శ్రీసీతారాముల ఆశీస్సులు అందాలని ప్రార్థిస్తున్నానని ఎస్. కోట ఎమ్మెల్యే కడుబండి శ్రీనివాసరావు అన్నారు. ముందుగా ఆయనతో పాటు ఎమ్మెల్సీ రఘురాజు తదితరులు గురువారం మండలంలోని సోంపురంలో శ్రీసీతారాములు వారి ఆలయంలో ప్రత్యేక పూజలు నిర్వహించారు.అనంతరం ఎమ్మెల్యే కడుబండి అన్నసమారాధనలో పాల్గొని భక్తులకు అన్నప్రసాదలను వడ్డీంచారు.ఈ సందర్బంగా ఆయన మాట్లాడుతూ పవిత్రమైన శ్రీరామనవమి సందర్బంగా కళ్యాణం తిలకించడం అన్న ప్రసా దాలను స్వీకరించడం వల్ల పుణ్యం దక్కి పునర్జన్మ ప్రాప్తిస్తుందన్నారు.అనంతరం ఆయన గ్రామ సర్పంచ్ మురిపిండి గంగరాజు, ఎంపీటీసీ సభ్యులు ఆకుల సత్యనారాయణ,టీ.వీ రమణ,వైసీపీ మండల యువజన విభాగం అధ్యక్షులు ఉగ్గిన శ్రీనివాసరావు తదితరులుతో స్వామివారి అన్నప్రసాదాలను స్వీకరించారు.