నటుడు విశ్వక్‌సేన్‌కు పేరు తెచ్చిన హిట్‌

అక్టోబర్ 31 (ఆంధ్రపత్రిక): ఎలాంటి అంచనాల్లేకుండా రిలీజై అనూహ్య విజయం సాధించిన చిత్రాల్లో ’హిట్‌’ ఒకటి. థ్రిల్లర్‌ కాన్సెప్ట్‌తో తెరకెక్కిన ఈ చిత్రానికి సైలేష్‌ కొలను దర్శకత్వం వహించాడు. డెబ్యూ సినిమానే అయినా.. తన టేకింగ్‌, విజన్‌తో ప్రేక్షకులను సినిమా లాస్ట్‌ వరకు సీట్లలోనే కూర్చోబెట్టాడు. నటుడిగా విశ్వక్‌సేన్‌ ఈ సినిమాతో మరో మెట్టు ఎక్కాడు. ఇక ప్రొడ్యూసర్‌గా నానికి ఈ చిత్రంతో భారీ హిట్‌ వచ్చింది. కాగా ఇప్పుడు ఈ సినిమాకు సీక్వెల్‌ తెరకెక్కుతున్న విషయం తెలిసిందే. అడివి శేష్‌ హీరోగా తెరకెక్కుతున్న ’హిట్‌`2’ ప్రస్తుతం షూటింగ్‌ జరుపుకుంటుంది. ఇప్పటికే చిత్రం నుండి రిలీజైన పోస్టర్‌లు, గ్లింప్స్‌ సినిమాపై విపరీతమైన అంచనాలు క్రియేట్‌ చేశాయి. తాజాగా చిత్రబృందం మరో క్రేజీ అప్‌డేట్‌ను ప్రకటించింది.ఈ సినిమాకు సంబంధించిన మేజర్‌ అప్‌డేట్‌ను సోమవారం సాయంత్రం 4:59 నిమిషాలకు రిలీజ్‌ చేయనున్నట్లు చిత్రబృందం వెల్లడిరచింది. కాగా ఈ అప్‌డేట్‌ టీజర్‌ గురించి అయ్యుంటుందని పలువురు నెటీజన్లు కామెంట్స్‌ చేస్తున్నారు. సైలేష్‌ కొలను దర్శకత్వం వహించిన ఈ చిత్రం డిసెంబర్‌ 2న రిలీజ్‌ కానుంది. అడివి శేష్‌ ఇటీవలే మేజర్‌తో పాన్‌ ఇండియా స్థాయిలో గుర్తింపు తెచ్చుకున్నాడు. ఈ క్రమంలో ’హిట్‌`2’ చిత్రాన్ని కూడా పాన్‌ ఇండియా స్థాయిలో రిలీజ్‌ చేయాలని మేకర్స్‌ సన్నాహాలు చేస్తున్నారు. ఈ చిత్రాన్ని వాల్‌ పోస్టర్‌ సినిమా బ్యానర్‌పై నాని, ప్రశాంతి తిపిర్‌నేని నిర్మిస్తున్నారు.