దుర్గమ్మ దర్శనం కోసం వచ్చిన భక్తుడు మృతి

విజయవాడ,సెప్టెంబర్‌30(ఆంధ్రపత్రిక): దేవి నవరాత్రి ఉత్సవాల సందర్భంగా విజయవాడలో దుర్గమ్మను దర్శించుకునేందుకు వెళ్లిన హైదరాబాద్‌కు చెందిన ఓ భక్తుడు అస్వస్థతతో మృతిచెందాడు. 500 దర్శన క్యూలైన్‌లో నిలబడ్డ హైదరాబాద్‌ వాసి మూర్తి ఒక్కసారిగా ఫిట్స్‌ రావడంతో అక్కడే కుప్పకూలాడు. ఆలయ సిబ్బంది ఆస్పత్రికి తరలిస్తుండగా మార్గమధ్యలో కన్నుమూశాడు. మృతదేహాన్ని ఆస్పత్రికి తరలించారు. సమాచారాన్ని కుటుంబ సభ్యులకు చేరవేశారు.