సెప్టెంబర్ 26 (ఆంధ్రపత్రిక): కోలీవుడ్‌ స్టార్ హీరో విజయ్‌కి టాలీవుడ్‌లోనూ మంచి మార్కెట్‌ ఉంది. ఇప్పుడు స్టెయ్రిట్‌ తెలుగు మూవీతో మరింత ఇమేజ్‌ పెంచుకోవాలనుకుంటున్నాడు. వంశీ పైడిపల్లి డైరెక్షన్‌లో విజయ్‌ నటిస్తున్న సంగతి తెలిసిందే. బైలింగ్వల్‌ మూవీగా తెరకెక్కుతోన్న ఈ చిత్రం తెలుగులో ’వారసుడు’ టైటిల్‌తో రాబోతోంది. తమిళంలో ’వారిసు’గా రూపొందుతోంది. దాదాపు షూటింగ్‌ పూర్తిచేసిన టీమ్‌.. లాస్ట్‌ షెడ్యూల్‌ను నిన్న మొదలుపెట్టారు. రెండు యాక్షన్‌ సీక్వెన్స్‌లు, రెండు పాటలు మాత్రమే బ్యాలెన్స్‌ ఉన్నాయి. ఈ షెడ్యూల్‌తో ఇవి కూడా పూర్తిచేయనున్నట్టు చెప్పారు.
అలాగే సినిమా రిలీజ్‌ డేట్‌ని కూడా అనౌన్స్‌ చేశారు. సంక్రాంతి కానుకగా ఈ చిత్రాన్ని విడుదల చేయనున్నట్టు ప్రకటించారు. రష్మిక హీరోయిన్‌గా నటిస్తోంది. శరత్‌ కుమార్‌, ప్రభు, ప్రకాష్‌ రాజ్‌, జయసుధ, సంగీత, యోగిబాబు ముఖ్యపాత్రలు పోషిస్తున్నారు. దిల్‌ రాజు, పీవీపీ కలిసి ఈ చిత్రాన్ని నిర్మిస్తున్నారు. తమన్‌ సంగీతం అందిస్తున్నాడు. ఇప్పటికే పొంగల్‌ రేసులో కొన్ని భారీ సినిమాలు బెర్త్‌ ఖరారు చేసుకున్నాయి. కోలీవుడ్‌ నుంచి అజిత్‌ సినిమా కూడా సంక్రాంతి రిలీజ్‌కి ఎª`లాన్‌ చేస్తున్నారనే టాక్‌ వినిపిస్తోంది. అజిత్‌కి పొంగల్‌ సెంటిమెంట్‌ ఉండటంతో.. మరోసారి ఇద్దరికీ పోటీ తప్పేలా కనిపించడం లేదు.
