చంద్రబాబుకు విమర్శించడం తగదు: తిక్కారెడ్డి

బాదుడే బాదుడు కార్యక్రమంలో పాల్గొన్న మంత్రాలయం నియోజకవర్గ టీడీపీ ఇంచార్జీ తిక్కారెడ్డి పెద్దకడుబూరు మండలం కంపాడు, మురవని, కబలదినన్నే, జాలవాడి గ్రామాల్లో పర్యటించారు. తన ప్రసంగంలో ఎమ్మెల్యే బాల నాగిరెడ్డిపై ఆగ్రహ వ్యక్తం చేశారు. చంద్రబాబు భిక్షతో మొదటి సారి ఎమ్మెల్యే అయిన బాల నాగిరెడ్డి ఆయననే విమర్శించడం తగదన్నారు. చంద్రబాబుకు వెన్నుపోటు పొడిచి వైఎస్ రాజశేఖర్ రెడ్డి పంచన చేరి, ఆ తర్వాత జగన్‌తో కలిసి నీతివాక్యాలు మాట్లాడడం విడ్డూరంగా ఉందన్నారు. ప్లీనరీకి డబ్బులు పంచి తెచ్చిన జనం ముందు పిచ్చి కూతలు కూయడం మంచి లక్షణం కాదన్నారు. తాను బల నిరూపణ చేయాలనుకుంటే పసుపు సైనికులు వేల సంఖ్యలో స్వచ్ఛందంగా వస్తారని టీడీపీ నేత తిక్కారెడ్డి పేర్కొన్నారు.