MLC Kalvakuntla Kavitha: మనీలాండరింగ్ కేసులో తీహార్ జైల్లో ఉన్న సుఖేష్ చంద్రశేఖర్ ఇటీవల వరుస లేఖలతో సంచలనాలకు తెర తీస్తున్నాడు. ఈ క్రమంలో తాజాగా మరోసారి జైలు నుంచి సుఖేష్ లేఖను విడుదల చేశారు.అయితే ఈసారి లేఖతో పాటు వాట్సప్ చాటింగ్ ను బయటపెట్టాడు. కవితక్క..టీఆర్ఎస్ అనే నంబర్ తో సుఖేష్ చాట్ చేయడం కలకలం రేపుతోంది. ఈ లేఖలో కవితతో చాట్ చేసిన విషయాలు అంటూ సుఖేష్ పేర్కొనడం గమనార్హం. ఇక తాజాగా సుఖేష్ తో పరిచయం, చాటింగ్ పై సీఎం కేసీఆర్ కూతురు, బీఆర్ఎస్ ఎమ్మెల్సీ కవిత రియాక్ట్ అయ్యారు. BRS పార్టీపై కావాలనే ఉద్దేశపూర్వకంగా దుష్ప్రచారం చేస్తున్నారు. సుఖేష్ తో తనకు ఎలాంటి పరిచయం లేదన్న కవిత..కేసీఆర్ ను ఎదుర్కొలేకే తనపై దాడి చేస్తున్నారన్నారు. ఫేక్ చాట్ లతో తనపై తప్పుడు ప్రచారం చేస్తున్నారని..తమ కుటుంబాన్ని బద్నామ్ చేయాలని చూస్తున్నారని కవిత అన్నారు. తీహార్ జైల్లో ఉన్న సుఖేష్ చంద్రశేఖర్ ఇటీవల వరుస లేఖలతో ప్రకంపనలు సృష్టిస్తున్నాడు. కాగా సుఖేష్ ఇలా లేఖ రిలీజ్ చేయడం కొత్తేమి కాదు. గతంలో కూడా తన న్యాయవాది ద్వారా సుఖేష్ పలు లేఖలను రిలీజ్ చేశారు. తాను ఢిల్లీ సీఎం కేజ్రీవాల్ తో వాట్సప్ , టెలిగ్రామ్ లో చాట్ చేసిన 700 పేజీల లేఖను రిలీజ్ చేశాడు. అందులో సీఎం కేజ్రీవాల్ చెప్పినట్టు రూ.75 కోట్లను హైదరాబాద్ బీఆర్ఎస్ ఆఫీస్ వద్ద ఏకే అనే వ్యక్తికి ఇచ్చానని పేర్కొన్నాడు. కేజ్రీవాల్ ఆదేశాల మేరకే తాను హైదరాబాద్ లోని BRS ఆఫీస్ వద్ద రేంజ్ రోవర్ కారులో ఉన్న ఏకే అనే వ్యక్తికి డబ్బులు ఇచ్చినట్టు చెప్పుకొచ్చారు. ఆ రేంజ్ రోవర్ కారు నెంబర్ 6060 అని లేఖలో సుఖేష్ పేర్కొన్నాడు. అయితే సుఖేష్ కేజ్రీవాల్ చాట్ ను బయటపెట్టిన కొన్నిరోజులకు ఎమ్మెల్సీ కవితతో చాట్ అంటూ సుఖేష్ లేఖతో పాటు చాట్ స్క్రీన్ షాట్స్ రిలీజ్ చేయడం ప్రకంపనలు సృష్టిస్తుంది.
కవితక్క..టీఆర్ఎస్ అనే నంబర్ తో తాను చాట్ చేసినట్లు లేఖలో సుఖేష్ పేర్కొన్నారు. Ap, Sj, Ak, సిస్టర్ పేర్లతో కోడ్ భాషలో చాట్ చేసినట్లు చెప్పుకొచ్చాడు. 15 కేజీల నెయ్యి డెలివర్ చేశానని సుఖేష్ కోడ్ భాషలో చెప్పినట్టు పేర్కొన్నాడు. మొత్తం 6 పేజీల లేఖతో పాటు కవితతో చాట్ చేసినా అని చెప్పుకునే స్క్రీన్ షాట్స్ ను కూడా సుఖేష్ రిలీజ్ చేయడంతో లిక్కర్ స్కాం కేసులో సంచలనంగా మారింది. కాగా సుఖేష్ ఇలా లేఖ రిలీజ్ చేయడం కొత్తేమి కాదు. గతంలో కూడా తన న్యాయవాది ద్వారా సుఖేష్ పలు లేఖలను రిలీజ్ చేశారు. తాను ఢిల్లీ సీఎం కేజ్రీవాల్ తో వాట్సప్ , టెలిగ్రామ్ లో చాట్ చేసిన 700 పేజీల లేఖను రిలీజ్ చేశాడు.
సుఖేష్ రిలీజ్ చేసిన చాటింగ్…
AK బ్రదర్ ప్యాకేజి ఇవ్వాల్సి ఉంది – సుఖేష్ అవును, ఓకే – (కవిత పేరుతో ఉన్న నెంబర్ నుండి వచ్చిన మెసేజ్) దాన్ని JHకు పంపించాలా? – సుఖేష్ నోనో, అరుణ్ ను నీకు కాల్ చేయమని చెబుతాను – కవిత దాన్ని ఆఫీస్ కు పంపించాలి- కవిత ఒకే అక్కా- సుఖేష్ అతను నీకు కాల్ చేస్తాడు- కవిత దాన్ని ఈరోజే మీకు పంపించాలని SJ బ్రదర్ చెప్పారు- సుఖేష్ అవును- కవిత నేను మొత్తం కోర్డినేట్ చేసుకుంటాను అక్కా- సుఖేష్ నాన్న ఆరోగ్యం ఎలా ఉంది- కవిత థ్యాంక్స్ అక్కా..చికిత్స తీసుకుంటున్నారు- సుఖేష్ ఆయన బయటపడతారు- కవిత ఓకే అక్కా..కేసీఆర్ గారికి నా నమస్కారాలు చెప్పండి- సుఖేష్ అక్కా సరుకు డెలివరీ అయింది- సుఖేష్ ఓకే- కవిత అక్కా కొంచెం AK లేదా SJకు చెప్పగలరు- సుఖేష్ మనీష్ తో మాట్లాడా- కవిత అయితే సుఖేష్ రిలీజ్ చేసిన చాట్ పై ఎమ్మెల్సీ కవిత తాజాగా స్పందించారు.
