ఆంధ్రపత్రిక  ఎఫెక్ట్

కాలువల్లో పూడిక తొలగింపు.
ముమ్మరంగా చేపడుతున్న పారిశుధ్యం పనులు.
హర్షం వ్యక్తం చేస్తున్న వావిలపాడు గ్రామస్తులు.
వేపాడ,ఏప్రిల్,3(ఆంధ్ర పత్రిక):-మండలంలోని వావిలపాడు గ్రామంలో పారిశుధ్యం పనులు ముమ్మరంగా చేపడుతున్నారు.గ్రామంలోని అన్ని వీదుల్లోని కాలువల్లో పేరుకుపోయిన చెత్త చెదారం తొలగింపునకు సోమవారం శ్రీకారం చుట్టారు. కాలువల్లో మురుగునీటి నిల్వలు అనే శీర్షికన ఈనెల 3న ప్రచురితమైన వార్తకు స్పందించిన వావిలపాడు పంచాయితీ ఇంచార్జి కార్యదర్శి కన్నంనాయుడు యుద్ధప్రాతిపదికన గ్రామంలో పారిశుధ్యం పనులకు శ్రీకారం చుట్టారు.కాలువల్లో పేరుకుపోయిన చెత్త చెదారం తొలగించడం, కాలువలను, సీసీరోడ్లను పరిశుభ్రంగా తీర్చిదిద్దడం,దోమల బారినుండి ప్రజల రక్షణకోసం బ్లీచింగ్ పౌడర్ జల్లడం వంటి చర్యలు చేపట్టారు. ఈ సందర్బంగా పంచాయతీ కార్యదర్శి కన్నంనాయుడు మాట్లాడుతూ గ్రామంలోని అన్ని వీదులను పరిశుభ్రంగా తీర్చిదిద్ది ప్రజారోగ్యం ను కాపాడేందుకు చర్యలు తీసుకుంటున్నామన్నారు.