పోలింగ్ కేంద్రాలు పరిశీలన

మర్రిపాడు మండలం స్థానిక పోలింగ్ స్టేషన్ నందు ఉపాధ్యాయులు, పట్టభద్రుల శాసనమండలి ఎన్నికలు 13వ తేదీ సోమవారం జరుగనున్న సందర్భంగా ఆత్మకూరు సర్కిల్ ఇన్స్పెక్టర్ నాగేశ్వరావు పోలింగ్‌ కేంద్రాలను పరిశీలించారు. జిల్లా ప్రజా పరిషత్ ఉన్నత పాఠశాలలో ఏర్పాటుచేసిన పోలింగ్ కేంద్రాన్ని పరిశీలించి ఏర్పాట్లపై మర్రిపాడు ఎస్సై విశ్వనాథరెడ్డి మరియు పోలీస్ సిబ్బందికి పలు సూచనలు చేశారు. ఎన్నికల సందర్భంగా పోలింగ్ కేంద్రం చుట్టూ 144 సెక్షన్ విధించడం జరుగుతుందని అలాగే పోలింగ్ కేంద్రాలకు 300 మీటర్ల దూరంలో వాహనాలు నిలుపుదల చేయాలని సూచించారు. ఓటర్లు ప్రశాంత వాతావరణంలో ఓటు వేసి పోలీస్ వారికి సహకరించాలని గ్రాడ్యుయేట్ల ను కోరారు. #