అర్.ఎన్.పాలెంలో ఉచితనేత్ర వైద్య శిబిరం

కె.కోటపాడు,మార్చి11(ఆంధ్రపత్రిక):
విశాఖపట్నం ఎల్.వి.ప్రసాద్ ఐ ఇన్స్టిట్యూట్ మండలంలోని రొంగలినాయుడుపాలెం గ్రామంలో శనివారం ఉచిత నేత్ర వైద్యశిబిరం నిర్వహించారు. ఎల్.వి.ప్రసాద్ ఐ హాస్పిటల్ కు చెందిన స్థానిక కంటి పరీక్ష కేంద్రం ఆధ్వర్యంలో నిర్వహించిన ఈ శిబిరంలో 120మందిని ఆప్టోమెట్రిస్ట్ లు మానస, సూర్యకుమారి పరీక్షించారు. 120మందిలో 15 మందికి కేటరాక్టు ఆపరేషన్ అవసరాన్ని నిర్ధారించారు.క్యాంప్ కో-ఆర్డినేటర్ స్వాములు, ఫీల్డ్ ఆఫీసర్స్ సంతోషి, గాంధీ శిబిరంను నిర్వహించారు. గ్రామ పెద్దలు పైలా కోటేశ్వరరావు, రొంగలి సత్యనారాయణ తదితర్లు పాల్గొన్నారు.