12న ఎ.కోడూరులో జడ్పీ హైస్కూల్లో        అమ్మ చారిటబుల్ ట్రస్ట్ మెగా రక్తదాన శిబిరం

      కె.కోటపాడు,మార్చి10(ఆంధ్రపత్రిక):ఈనెల12వ తేదీన మండలంలోని ఆనందపురం గ్రామానికి చెందిన అమ్మ చారిటబుల్ ట్రస్ట్ వారు ఎ.కోడూరు జడ్పీహైస్కూల్లో మెగా రక్తదాన శిబిరం నిర్వహించనున్నారు. రక్తహీనత, గర్భిణుల ప్రసవం వేళ, వివిధ ఆపరేషన్ల వంటి అత్యవసర సమయాల్లో అవసరం మేరకు రక్తం అందించి ప్రాణాపాయం నుంచి రక్షించాలన్న ఆశయంతో రక్తదాన శిబిరం ఏర్పాటుకు సన్నాహాలు చేస్తున్నామని ట్రస్ట్ ప్రతినిధులు తెలిపారు. ఈ మేరకు కరపత్రాలు ద్వారా విస్తృతంగా ప్రచారం నిర్వహిస్తున్నారు. ఎ.కోడూరు హైస్కూల్లో ఆదివారం ఉదయం 9 గంటల నుంచి ప్రారంభం కానున్న మెగా రక్తదాన శిబిరంలో పాల్గొని స్వచ్ఛందంగా రక్త దానం చేయాలనుకునే ఆసక్తి కలిగిన అర్హులైన వారు తమను సంప్రదించాలని అమ్మ చారిటబుల్ ట్రస్ట్ చైర్మన్ గొంప వెంకటరావు (9010622201), వైస్ చైర్మన్ సింగంపల్లి అర్జున(8309966963), కార్యదర్శి సింగంపల్లి అచ్చిబాబు(9441107432), సభ్యులు ఆర్.కె.నాయుడు (9493948374) పంపిణీ చేస్తున్న కరపత్రాలలో కోరారు.