ఇంటర్మీడియట్ మొదటి సంవత్సరం చదువుతున్న విద్యార్థి పఠాన్ ఫిరోజ్ (17)గుండెపోటుతో మృతి

పల్నాడు జిల్లా, చిలకలూరిపేట, మార్చి 7 (ఆంధ్ర పత్రిక):-పట్టణంలోని పసుమర్తి గ్రామంలో నివసిస్తున్న పఠాన్ వజీర్ భాష – మస్తాన్ బి దంపతులకు ఇద్దరు సంతానం కలరు. మొదటి సంతానం అమ్మాయి కాగా, ద్వితీయ సంతానం ఫిరోజ్. ఫిరోజ్ గత సంవత్సరం సెయింట్ చార్లెస్ ఇంగ్లీష్ మీడియం స్కూల్లో పదో తరగతి పూర్తి చేశాడు. ఈ సంవత్సరం పట్టణంలోని ఆర్ వి ఎస్ సి వి ఎస్ హై స్కూల్ పక్కన ఉన్న శ్రీ చైతన్య ఇంటర్మీడియట్ కాలేజీలో మొదటి సంవత్సరం చదువుతున్నాడు. మొదటి సంవత్సరం పరీక్షలు ఆసన్నమైన దశలో నిన్న ఫిరోజ్ కాలేజీకి వెళ్లి హాల్ టికెట్ తీసుకొని ఇంటికి రావడం జరిగింది. యధావిధిగా గత రాత్రి ఫిరోజ్ ఇంట్లో భోజనం చేసి నిద్రిస్తున్న సమయాన తెల్లవారుజామున గుండె నొప్పి గుండె నొప్పి అని కేకలు వేయడం జరిగింది. ఆ కేకలు విన్న వారి తల్లిదండ్రులు, బంధువులు ఉన్నపలంగా చిలకలూరిపేట పట్టణంలోని ప్రైవేట్ ఆస్పత్రికి తరలించారు. వైద్యులు ఫిరోజ్ ను పరీక్షించి మార్గమధ్యంలోనే మృతి చెందాడని తల్లిదండ్రులకు,
బంధువులకు తెలిపారు.