బీచ్ పరిసరాలను  పరిశుభ్రంగా ఉంచేందుకు ప్రతి ఒక్కరూ కృషి చేయాలి 

విశాఖపట్నం, ఫిబ్రవరి 26 (ఆంధ్రపత్రిక):   సాగర తీర స్వచ్ఛత కార్యక్రమంలో భాగంగా బీచ్ పరిసరాలను పరిశుభ్రంగా ఉంచడానికి ప్రతి ఒక్కరూ తమ వంతు సహకారాన్ని అందించాలని,  జిల్లా  కలెక్టర్ డా ఏ మల్లిఖార్జున  అన్నారు.  జిల్లా ప్రభుత్వ యంత్రాంగం తో కలసి  సముద్ర తీర ప్రాంతాలను పరిశుభ్రం చేసే కార్యక్రమం లోఆయన పాల్గొన్నారు.  సాగర్ నగర్ బీచ్ లో సాగర స్వచ్ఛత 10 వ విడత బీచ్ క్లీనింగ్ కార్యక్రమాన్ని   కలెక్టర్ డా ఏ మల్లిఖార్జున  ప్రారంబించారు. 10 వ విడత బీచ్ క్లీనింగ్ కార్యక్రమాన్ని సాగర్ నగర్ వద్ద నిర్వహిస్తున్నామని,  ఇప్పటికే విశాఖలో 9 విడతలుగా బీచ్ క్లీనింగ్ కార్యక్రమాలను కొనసాగించామన్నారు.  రానున్న రోజుల్లో జిల్లాలో గ్లోబల్ ఇన్వెస్ట్మెంట్ సమ్మిట్ మరియు జి-20 సదస్సులు నిర్వహించడం జరుగుతుందన్నారు. పరిసరాల  పరిశుభ్రతే ద్యేయంగా ప్రజల భాగస్వామ్యంతో ముందుకు సాగుతున్నామన్నారు. ప్రతినెల  క్రమం తప్పకుండా బీచ్ క్లీనింగ్ కార్యక్రమాన్ని చేస్తున్నామని, చెత్తాచెదారాలను సేకరించి సద్వినియోగం చేస్తున్నామన్నారు.  ఉదయం    6-00 గంటల నుండి 8 గంటల వరకు బీచ్ క్లీనింగ్ డ్రైవ్ నిర్వహించారు.    ఈ కార్యక్రమంలో విశాఖవేలీ స్కూల్ విద్యార్థులు, డైట్ విద్యార్థులు, ఫారెస్ట్, రెవెన్యూ, జి వి ఎం సి, ఎన్ సి సి, విఎంఆర్డిఎ  శాఖల సిబ్బంది,   స్థానిక ప్రజలు పెద్దసంఖ్యలో  పాల్గొన్నారు