వైకాపా ఎమ్మెల్సీ అభ్యర్థులు ఖరారు

అమరావతి,ఫిబ్రవరి 20 (ఆంధ్రపత్రిక): త్వరలో జరగనున్న ఎమ్మెల్సీ ఎన్నికలకు అభ్యర్థులను వైకాపా ప్రకటించింది. స్థానిక సంస్థల కోటా నుంచి 9 స్థానాలు, ఎమ్మెల్యే కోటా నుంచి 7, గవర్నర్‌ కోటా 2 స్థానాలకు పేర్లను వైకాపా ప్రధాన కార్యదర్శి సజ్జల రామకృష్ణారెడ్డి వెల్లడిరచారు.సామాజిక సమీకరణాలు, ఇతర అంశాలను పరిగణనలోకి తీసుకుని వైకాపా అధినేత, సీఎం జగన్‌ ఈ పేర్లను ఖరారు చేశారని సజ్జల చెప్పారు. ఈ సందర్భంగా ఆయన మాట్లాడుతూ బీసీ, ఎస్సీ, ఎస్టీలకు రాజకీయ సాధికారత సాధించాలన్న లక్ష్యంతోనే జగన్‌ ముందుకు వెళ్తున్నారన్నారు.
అభ్యర్థుల పేర్లు..
స్థానిక సంస్థల కోటా..
నర్తు రామారావు (శ్రీకాకుళం),కుడిపూడి సూర్యనారాయణ (తూర్పుగోదావరి),వంకా రవీంద్రనాథ్‌ (పశ్చిమగోదావరి),కవురు శ్రీనివాస్‌ (పశ్చిమగోదావరి), మేరుగు మురళీధర్‌ (శ్రీపొట్టిశ్రీరాములు నెల్లూరు),సిపాయి సుబ్రహ్మణ్యం (చిత్తూరు), పొన్నపురెడ్డి రామసుబ్బారెడ్డి (కడప),ఎ.మధుసూదన్‌ (కర్నూలు),ఎస్‌.మంగమ్మ (అనంతపురం),
ఎమ్మెల్యేల కోటా..
పెన్మత్స సూర్యనారాయణరాజు (విజయనగరం),పోతుల సునీత (బాపట్ల),కోలా గురువులు (విశాఖపట్నం), బొమ్మి ఇజ్రాయల్‌ (బీఆర్‌ అంబేడ్కర్‌ కోనసీమ),జయమంగళ వెంకటరమణ (ఏలూరు), చంద్రగిరి ఏసురత్నం (గుంటూరు),మర్రి రాజశేఖర్‌ (పల్నాడు),
గవర్నర్‌ కోటా..
కుంభా రవిబాబు (అల్లూరి సీతారామరాజు), కర్రి పద్మశ్రీ (కాకినాడ)