నేడు లోకేశ్‌ పాదయాత్ర తిరిగి ప్రారంభం

శ్రీకాళహస్తి,ఫిబ్రవరి 20 (ఆంధ్రపత్రిక): నందమూరి తారకరత్న మృతితో వాయిదా పడ్డ నారా లోకేష్‌ యువగళం పాదయాత్ర మంగళవారం నుంచి తిరిగి ప్రారంభం కానుంది. శివరాత్రి రోజు విరామం అనంతరం 23వ రోజు యువగళం పాదయాత్ర ఆదివారం ప్రారంభం కావాల్సిన నేపథ్యంలో తారక రత్న మరణించడంతో వాయిదా పడిరది. ఆదివారం తెల్లవారు జామున లోకేష్‌ తారకరత్నను కడసారి చూసేందుకు హైదరాబాద్‌కు వెళ్లారు. అక్కడ మహా ప్రస్థా నంలో తారకరత్న అంత్యక్రియలు పూర్తయిన వెంటనే సోమవారం రాత్రి శ్రీకాళహస్తికి చేరుకుంటారు. మంగళవారం యధావిధిగా యాత్ర కొనసాగుతుంది. శ్రీకాళహస్తిలోని విడిది కేంద్రం నుంచి ప్రారంభమై మంగళవారం సాయంత్రం 5.30 గంటలకు కోబాక విడిది కేంద్రంలో రాత్రి బస చేస్తారు.