యల్లరమ్మ జాతర ఏర్పాట్లపై సమీక్ష సమావేశం

జామి ఫిబ్రవరి 15 (ఆంధ్ర పత్రిక): ఉత్తరాంధ్ర ఇలవేల్పు గా పేరుపొందిన శ్రీ యల్లరమ్మ జాతర ఈనెల 26తేది నుంచి 28వతేది వరకు జరుగుతుంది. ఈ జాతరకు సంబంధించి ఏర్పాట్లు పై మండల తహశీల్దార్ హేమంత్ కుమార్ అధ్యక్షతన బుధవారం అన్ని శాఖల అధికారులు తో సమీక్ష సమావేశం నిర్వహించారు.ఈ సమావేశంలో ఉచిత దర్శనం క్యూ లైన్లు ఏర్పాటు చేయాలని, ఉత్సవనిమిత్తం వసూళ్ళు అన్ని రకములైన వసూలు దేవాదాయ శాఖ ద్వారా ముద్రించిన రశీదు లు ఇవ్వవలెను.అనధికార వసూలు జరగకుండా తగు జాగ్రత్తలు పాటించాలి అన్నారు.విఐపి పాస్ లు విధిగా దేవాదాయ శాఖ ఇవో సంతకం తోనే సరఫరా చేయాలిని అటువంటి వాటిని మాత్రమే పోలీసుశాఖ వారు అనుమతించాలన్నారు. అన్నిశాఖలు సమన్వయం తో పనిచేసి జాతర విజయవంతం చేయాలన్నారు.ఈసమావేశంలో వివిధ శాఖల అధికారులు పాల్గొన్నారు.