తలశిల రఘురాంకు జగన్‌ దంపతులు పరామర్శ

విజయవాడ పశ్చిమ, ఫిబ్రవరి 5 (ఆంధ్రపత్రిక) : సీఎం ప్రొగ్రామ్‌ కన్వీనర్‌ తలశిల రఘురాం సతీమణి తలశిల స్వర్ణకుమారి అనారోగ్య కారణాల వలన విజయవాడ ప్రైవేటు ఆసుపత్రిలో చికిత్స పొందుతూ ఆదివారం తెల్లవారుజామున తుదిశ్వాస విడిచారు.ఈ విషయం తెలిసిన వెంటనే ముఖ్యమంత్రి జగన్‌`భారతి దంపతులు గొల్లపూడిలోని రఘురాం నివాసానికి చేరుకుని రఘురాంను ఓదార్చారు. కాగా స్వర్ణకుమారి మృతివార్త తెలుసుకున్న పలువురు మంత్రులు, ఎమ్మెల్యేలు, వైసీపీ నాయకులు వచ్చి రఘురాంను పరామర్శించారు. తమ సానుభూతిని తెలియచేసారు. కాగా స్వర్ణకుమారి అంతిమయాత్ర ఆదివారం జరిగింది.