ఉచిత చీరల పంపిణీలో తొక్కిసలాట..

నలుగురు మహిళల మృతి
మరో 10 మంది గాయపడ్డారు.
తమిళనాడు,ఫిబ్రవరి 4 : తమిళనాడులోని తిరుపత్తూరు జిల్లాలో ఘోర విషాదం చోటుచేసుకుంది. ఉచిత చీరల పంపిణీ కార్యక్రమంలో తొక్కిసలాట జరిగి నలుగురు మహిళలు ప్రాణాలు కోల్పోయారు.మరో 10 మంది గాయపడ్డారు.తిరుపత్తూరుజిల్లాలోని వాణియంబాడి ప్రాంతంలో మురుగన్‌ తైపూసం ఉత్సవాలను పురస్కరించుకుని ఓ ప్రైవేటు కంపెనీ ఉచితంగా ధోతీలు, చీరలు పంపిణీ చేయనున్నట్లు ప్రకటించింది. ఇందుకోసం నేడు టోకెన్లు జారీ చేయగా.. వీటిని తీసుకునేందుకు ప్రజలు వేలాదిగా తరలివచ్చారు. ఈ క్రమంలో తొక్కిసలాట జరిగి కొందరు మహిళలు కిందపడిపోయారు. ఈ ఘటనలో నలుగురు మహిళలు ప్రాణాలు కోల్పోగా.. మరో 10 మంది గాయపడినట్లు పోలీసులు తెలిపారు. క్షతగాత్రులను సమీపంలోని ఆసుపత్రికి తరలించారు. ఘటనపై దర్యాప్తు చేస్తున్నామన్నారు.