జులై- సెప్టెంబర్‌ త్రైమాసికంలో భారత్‌ జీడీపీ 6.3%

న్యూఢల్లీి,నవంబర్‌ 30 : భారత ఆర్థిక వ్యవస్థకు సంబంధించిన కీలక గణాంకాలు వెలువడ్డాయి. ప్రస్తుతం ఆర్థిక సంవత్సరం జులై-సెప్టెంబర్‌ త్రైమాసికంలో స్థూల జాతీ యోత్పత్తి వృద్ధి రేటు 6.3 శాతంగా నమోదైంది.గతేడాది ఇదే సమయంలో జీడీపీ వృద్ధి రేటు 8.4 శాతంతో పోలిస్తే తగ్గుముఖం పట్టడం గమనార్హం. ఈ ఏడాది ఏప్రిల్‌- జూన్‌ త్రైమాసికంతో పోలిస్తే (13.5 శాతం) సగం వృద్ధి నమోదైంది. ఈ మేరకు కేంద్ర గణాంక కార్యాలయం సంబంధిత గణాంకాలను బుధవారం వెలువరించింది.ఈ ఏడాది రెండో త్రైమాసికంలో 6.5 శాతం వృద్ధి నమోదవుతుందని రేటింగ్‌ ఏజెన్సీ ఇక్రా అంచనా వేసింది. స్టేట్‌ బ్యాంక్‌ ఆఫ్‌ ఇండియా మాత్రం 5.8 శాతంగా నమోదవ్వచ్చని అంచనాలను వెలువరించింది. ఈ నెల మొదట్లో ఆర్‌బీఐ వెలువరించిన బులెటిన్‌లో సైతం వృద్ధి రేటు 6.1-6.3 శాతం మధ్య నమోదు కావొచ్చని అంచనా వేసింది. అంచనాలకు అటుఇటూగా గణాంకాలు వెలువడ్డాయి. ఇదే సమయంలో పొరుగు దేశం చైనా వృద్ధి రేటు 3.9 శాతంగా నమోదు కావడం గమనార్హం.