అంగన్‌వాడీ పోస్టుల భర్తీకి హైకోర్టు లైన్‌ క్లీయర్‌

అమరావతి,నవంబర్‌23(ఆంధ్రపత్రిక):రాష్ట్రంలో అంగన్వాడీ సూపర్‌ వైజర్‌ పోస్టుల భర్తీ కి హైకోర్టు లైన్‌ క్లియర్‌ చేసింది. తాము ఎంపిక అయినప్పటికీ, మెరిట్‌ లిస్ట్‌ లో పేర్లు ఉన్నప్పటికీ పక్రియను నిలిపివేశారని మెరిట్‌ అభ్యర్ధులు హైకోర్టును ఆశ్రయించారు. మెరిట్‌ అభ్యర్ధుల తరపున న్యాయవాది నర్రా శ్రీనివాస్‌ కోర్టులో వాదనలు వినిపించారు. విచారణ జరిపిన ధర్మాసనం… గతంలో జరిగిన ఎంపిక పక్రియ ద్వారా ఎంపికైన అభ్యర్ధుల జాబితాకు లైన్‌ క్లియర్‌ చేసింది. కాగా… అంగన్వాడీ సూపర్‌ వైజర్ల పోస్టుల ఎంపికలో తమకు అన్యాయం జరిగిందని మరికొంతమంది అభ్యర్ధులు కోర్టును ఆశ్రయించారు. అయితే వారి పిటిషన్‌లను కొట్టివేస్తూ పాత పక్రియను కొనసాగించాలని హైకోర్టు న్యాయమూర్తి జస్టిస్‌ గన్నమనేని రామకృష్ణ ప్రసాద్‌ స్పష్టం చేశారు. పాత నోటిఫికేషన్‌ ప్రకారమే అభ్యర్ధులను ఎంపిక చేస్తున్నామని ప్రభుత్వ న్యాయవాది హైకోర్టుకు తెలియజేశారు.