ఆల్‌ ఇండియా రైల్వే చెస్‌ ఛాంపియన్‌షిప్‌ పోస్టర్‌ విడుదల

విశాఖపట్నం, నవంబర్‌ 1 (ఆంధ్రపత్రిక) : డివిజనల్‌ రైల్వే మేనేజర్‌, అనుప్‌ సత్పతి స్థానిక శ్రీ శుభం ఇండోర్‌ స్పోర్ట్స్‌ కాంప్లెక్స్‌లో నిర్వహించనున్న ఆల్‌ ఇండియా రైల్వే చెస్‌ ఛాంపియన్‌షిప్‌-2022 పోస్టర్‌ను విడుదల చేశారు. చెస్‌ టోర్నమెంట్‌ ఈ నెల 7 నుండి 13 వరకు నిర్వహించబడుతుందని, ఈ ఛాంపియన్‌షిప్‌ను ఈస్ట్‌ కోస్ట్‌ రైల్వే స్పోర్ట్స్‌ అసోసియేషన్‌ వాల్తేర్‌ ఆధ్వర్యంలో నిర్వహిస్తుంద ని తెలిపారు. దేశంలోని వివిధ ప్రాంతాల నుంచి పోటీదారులు ఈ టోర్నీలో పాల్గొంటారని తెలిపారు . ఈ కార్యక్రమంలో ఏ డి ఆర్‌ ఎం (ఇన్‌ఫ్రా) సుధీర్‌ కుమార్‌ గుప్తా, ఏ డి ఆర్‌ ఎం (ఆపరేషన్స్‌) మనోజ్‌ కుమార్‌ సాహూ, స్పోర్ట్స్‌ ఆఫీసర్‌ ప్రవీణ్‌ భాటి, సీనియర్‌ డివిజనల్‌ ఇంజనీర్‌ (కోఆర్డినేషన్‌) ఎకె మహారాణా కూడా పాల్గొన్నారు.