ఫ్యామిలీతో లండన్‌లో మహేశ్‌ బాబు

అక్టోబర్ 27 (ఆంధ్రపత్రిక): టాలీవుడ్‌ సూపర్‌స్టార్‌ మహేశ్‌ బాబు సినిమాలు, బ్రాండ్ల ప్రమోషన్స్‌తో ఎప్పుడూ బిజీగా ఉంటాడని తెలిసిందే. వృత్తిపరమైన కమిట్‌మెంట్స్‌తో బిజీగా ఉండే మహేశ్‌ బాబు తీరిక సమయం దొరికితే చాలు ఏదో వెకేషన్‌ ప్లాన్‌ చేస్తాడు. టైం దొరికితే కుటుంబసభ్యులతో కలిసి సరదా షికారు చేస్తుంటాడు. ఈ స్టార్‌ హీరో ప్రస్తుతం ఫ్యామిలీతో లండన్‌ ట్రిప్‌ వేశాడు. మహేశ్‌ సతీమణి నమ్రత శిరోద్కర్‌ లండన్‌ ట్రిప్‌ సెల్ఫీ, ఫొటోలను ఇన్‌ స్టాగ్రామ్‌లో షేర్‌ చేసింది. మహేశ్‌ న్యూ అవతార్‌లో కనిపిస్తూ.. అభిమానులకు ఫిదా చేస్తున్నాడు. ఈ ఫొటోలు తక్కువ టైంలోనే నెట్టింట్లో వైరల్‌ అవుతున్నాయి. మహేశ్‌ బాబు ప్రస్తుతం త్రివిక్రమ్‌ శ్రీనివాస్‌ దర్శకత్వం వహిస్తున్న ఎస్‌ఎస్‌ఎంబీ 28లో నటిస్తున్నాడు. పూజాహెగ్డే ఫీ మేల్‌ లీడ్‌ రోల్‌లో నటిస్తున్న ఈ సినిమా హారిక అండ్‌ హాసినీ క్రియేషన్స్‌ బ్యానర్‌పై తెరకెక్కు తోంది. ఎస్‌ థమన్‌ సంగీతం అందిస్తున్నాడు. ఈ మూవీ కొంతభాగం షూటింగ్‌ జరుపుకోగా.. మహేశ్‌ బాబు తల్లి ఇందిరా దేవి మృతితో వాయిదా పడ్డది. త్వరలో కొత్త షెడ్యూల్‌కు సంబంధించిన అప్‌డేట్‌ రానున్నట్టు ఫిలింనగర్‌ సర్కిల్‌ టాక్‌.