16న మేడిచర్లలో శివాలయం వార్షికోత్సవం

కె.కోటపాడు,ఫిబ్రవరి15(ఆంధ్రపత్రిక):మండలంలోని మేడిచర్ల గ్రామంలో శ్రీ భ్రమరాంబికా సమేత మల్లిఖార్జున స్వామివారి ఆలయం 16వ వార్షికోత్సవం ఈ నెల16న ఘనంగా నిర్వహించనున్నట్టు వార్షికోత్సవ నిర్వాకసారధులు పూడి నారాయణమూర్తి, పూడి శ్రీనివాసరావు తెలిపారు. గురువారం ఉదయం స్వామివారికి, అమ్మవారికి విశేష పూజలు, అర్చనలు, అభిషేకాలు చేస్తామన్నారు. మధ్యాహ్నం 12గంటలకు సుమారు మూడు వేలమందికి నిర్వహించనున్న అన్నసమారాధనలో భక్తులు పాల్గొని అన్న, ప్రసాదాలు స్వీకరించాలని కోరారు.2గంటలనుండి గుర్రపు పరుగుల ప్రదర్శనలు నిర్వహించి గ్రామస్థులు పలువురిఆర్ధిక సాయంతో ప్రధమ బహుమతి రూ.12,000లు నుంచి రూ.1,000ల వరకూ ఏడు బహుమతులను విజేత గుర్రాల యజమానులకు అందచేస్తామని వారు వివరించారు.రాత్రి 7గంటల నుండి మేడిచర్ల యూత్ ఆధ్వర్యంలో వినోద కార్యక్రమం ఏర్పాటు చేసినట్టు పూడి నారాయణమూర్తి, పూడి శ్రీనివాసరావు చెప్పారు.