108 వాహనంలో తరలిస్తుండగా ప్రసవం   

కె.కోటపాడు,ఏప్రిల్ 01(ఆంధ్రపత్రిక):విశాఖపట్నం కింగ్ జార్జ్ హాస్పిటల్ కు తరలిస్తుండగా మార్గమధ్యలో పురుడు పోశారు108 వాహనం ఆరోగ్య సిబ్బంది. ఆరోగ్యం సిబ్బంది జి.రామలక్ష్మి చెప్పిన వివరాలు ఇలా ఉన్నాయి. దేవరాపల్లి మండలం ఎ.కొత్తపల్లి గ్రామానికి చెందిన గర్భిణి జె.దివ్య(19) పురిటి నొప్పులతో స్థానిక 50 పడకల ప్రభు ఆసుపత్రిలో నాలుగు రోజుల క్రితం చేరారు. గర్భంలోనే శిశువు గుండె వేగం పెరగడంతో మెరుగైన వైద్యం కోసం డాక్టర్లు విశాఖపట్నంలోని కె.జి.హెచ్.కు రిఫర్ చేశారు. శుక్రవారంరాత్రి 108 వాహనంలో గర్భిణి దివ్యను తరలిస్తుండగా వేపగుంటవద్దకు వెళ్లేసరికి పురిటి నొప్పులు అధికమయ్యాయి. అప్పటికే 108 వాహనంలో పర్యవేక్షిస్తున్న మెడికల్ టెక్నీషియన్ రామలక్ష్మి దివ్యకు సుమారు 8.30గంటలకు పురుడుపోసింది.దివ్య పండంటి మగ శిశువుకు జన్మనిచ్చింది. తల్లి,బిడ్డ క్షేమంగా ఉన్నారని, తదుపరి వైద్యం కోసం కె.జి.హెచ్.లో చేర్పించామని టెక్నీషియన్ రామలక్ష్మి తెలిపారు.