సీపీఎస్ ను రద్దుచేసి ఓపీఎస్ అమలుచేయాలి

కె.కోటపాడు,మార్చి10(ఆంధ్రపత్రిక):సి.పి.ఎస్.ను రద్దుచేసి ఒ.పి.ఎస్.ను అమలు చేయాలని సిపిఎం జిల్లానాయకులు గండి నాయనబాబు డిమాండ్ చేశారు.వామపక్షాలు పిలుపు మేరకు సిపిఎం,సిపిఐ నాయకులు శుక్రవారం స్థానిక “సిటు’ కార్యాలయం నుండి మూడు రోడ్లకూడలి మీదుగా తహశీల్దార్ కార్యాలయం వరకు ర్యాలీ నిర్వహించారు. తహశీల్దార్ కార్యాలయంలో వినతి పత్రం అందజేశారు.ఈ సందర్భంగా ఆయన మాట్లాడుతూ రాష్ట్రప్రభుత్వం ఉద్యోగ, ఉపాధ్యాయులపై నిర్బంధాన్ని విడనాడి, కక్ష సాధింపు చర్యలు మానుకోవాలన్నారు.సిపిఐ జిల్లా సమితి సభ్యులు వేచలపు వెంకటరమణ(కాసుబాబు) మాట్లాడుతూ ఉద్యోగ, ఉపాధ్యాయుల డి.ఎ.బకాయిలు వెంటనే విడుదల చేయాలని, ప్రతి నెలా ఒకటవ తేదీన జీతాలు చెల్లించాలని డిమాండ్ చేశారు. సిపిఎం మండల నాయకులు యర్రా దేముడు మాట్లాడుతూ వైసీపీ ప్రభుత్వం ఇచ్చినహామీలు నిలబెట్టుకొని అమలుచేయాలని కోరారు. ఈ కార్యక్రమంలో సిపిఎం మండల కార్యదర్శి రొంగలి ముత్యాలనాయుడు, రైతు సంఘం మండల నాయకులు వనుము సూర్యనారాయణ, కె.వి.పి.ఎస్.(కుల వివక్ష పోరాట సమితి) జిల్లా అధ్యక్షులు గాడి ప్రసాద్, నాయకులు రొంగలి తాతబాబు తదితరులు పాల్గొన్నారు.