సత్యనారాయణ సేవలు మరువరానివి

కె.కోటపాడు,మార్చి15(ఆంధ్రపత్రిక):
పాడిరైతుల సంక్షేమానికి సత్యనారాయణ అందించిన సేవలు మరువలేమని చౌడువాడ సర్పంచ్ దాడి ఎరుకునాయుడు, వైఎస్సాఆర్సీపీ జిల్లా ప్రధాన కార్యదర్శి దాట్ల శివాజీరాజు అన్నారు. మండలంలోని చౌడువాడ గ్రామంలో మంగళవారం విశాఖ డెయిరీ డైరెక్టరు సుందరపు గంగాధర్ స్వగృహంవద్ద తండ్రి స్వర్గీయ సత్యనారాయణ 11వ వర్ధంతి సభను ఏర్పాటు చేశారు. ఈ సభలో పాల్గొన్న పలువురు సత్యనారాయణ చిత్రపటానికి పూలమాలలువేసి నివాళులర్పించారు. ఈ సందర్భంగా నాయకులు మాట్లాడుతూ విశాఖ డెయిరీ డైరెక్టరుగా సత్యనారాయణ పాడిరైతుల అభివృద్ధికి కృషి చేశారన్నారు.రైతుల పిల్లలకు విద్య, ఉద్యోగ అవకాశాలకల్పించి వారి మనసుల్లో స్థానం సంపాదించుకున్నారన్నారు. డెయిరీకి, రైతులకు ఆయన చేసిన సేవలు వెలకట్టలేనివని కొనియాడారు. సత్యనారాయణ సంస్మరణార్ధం ఏటా టెన్త్ పరీక్షల విద్యార్థులకు సామాగ్రిని తనయులు అందచేయడం ఆచరణీయమన్నారు.ఈ సందర్బంగా స్థానిక జడ్పీ హైస్కూల్ విద్యార్థులు 120 మందికి పరీక్షా సామాగ్రి అందచేశారు. ఈ కార్యక్రమంలో ఎంపీటీసీ సభ్యులు ఏటుకూరి రాజేష్. పాలసొసైటి అధ్యక్షులు కొమార వెంకటరమణ, మాజీ అధ్యక్షులు కొమార ఎర్రినాయుడు, షుగరు ఫ్యాక్టరీ మాజీ డైరెక్టరు రాజి శ్రీనివాసరావు, పిఎసిఎస్ మాజీ అధ్యక్షులు రాజి మోది నాయుడు, వార్డు మెంబరు తనకల పట్టాలు, రాజి అప్పలనాయుడు, బల్క్ మిల్క్ కూలింగ్ సెంటర్ సూపర్వైజర్లు, పాల సొసైటీ సిబ్బంది, గ్రామ పెద్దలు పాల్గొన్నారు.