జగన్‌ పాలనలో పెట్టిన తప్పుడు కేసులు ఎత్తేస్తాం
ఎమ్మెల్సీ ఎన్నికల్లో అక్రమాలకు అదుపులేదు..
తిరిగి యాత్రను ప్రారంభించిన లోకేశ్‌
చిత్తూరు,మార్చి 14 (ఆంధ్రపత్రిక): వచ్చేది చంద్రబాబు పాలన… జగన్‌ ప్రభుత్వం పెట్టిన తప్పుడు కేసులు ఎత్తివేస్తామని టీడీపీ యువనేత నారా లోకేష్‌ అన్నారు. ఎమ్మెల్సీ ఎన్నికల్లో అరాచకం సృష్టించారు… వచ్చేది మేమే.. రిటర్న్‌ గిప్ట్‌ ఇస్తామని కూడా అని అన్నారు. ఎమ్మెల్సీ ఎన్నికల నేపథ్యంలో రెండ్రోజుల పాటు వాయిదా వేసుకున్న టీడీపీ యువనేత నారా లోకేష్‌ యువగళం పాదయాత్ర మంగళవారం తిరిగి ప్రారంభం అయ్యింది. యాత్ర 42వ రోజుకు చేరుకోగా.. తంబళ్లప్లలె నియోజకవర్గంలో పాదయాత్ర కొనసాగుతోంది. ఈ సందర్భంగా మద్దయ్యప్పగారిపల్లి న్యూ మల్చరీ నర్సరీ వద్ద బీసీ సామాజికవర్గం ప్రతినిధులతో లోకేష్‌ ముఖాముఖి సమావేశంలో పాల్గొన్నారు. బీసీలపై దాడులు, అట్రాసిటీ, అటెంప్ట్‌ మర్డర్‌ కేసులు 36 వేల మందిపై పెట్టారని… సిద్దాంతాన్ని నమ్ముకున్నామని, ప్రజల తరపున పోరాడుతామని స్పష్టం చేశారు. వడ్డెర్లను ఆదుకుంది ఎన్టీఆర్‌, చంద్రబాబుమాత్రమే అని తెలిపారు. పాపాల పెద్దిరెడ్డి గనులు, క్వారీలు కొళ్లగొట్టారని మండిపడ్డారు. బీసీ కార్పొరేషన్‌ డైరెక్టర్‌లకు జీతాలు లేవని.. కుర్చీలు కూడా లేవన్నారు. జనాభా దామాషాన బీసీలను ఆదుకుంటామని లోకేష్‌ హావిూ ఇచ్చారు.ముందుగా కండ్లమడుగు క్రాస్‌ వద్ద స్థానికులతో మాటామంతీలో పాల్గొన్నారు. ఆపై హార్స్‌ లీ హిల్స్‌ క్రాస్‌ వద్ద పెద్దమాండ్యం మండల ప్రజలతో భేటీ అయ్యారు. కాసేపటి క్రితం మద్దయ్యప్పగారిపల్లి న్యూ మల్బరీ నర్సరీ వద్ద బీసీ సామాజికవర్గీయులతో సమావేశమయ్యారు. మధ్యాహ్నం న్యూ మల్చరీ నర్సరీ వద్ద భోజన విరామం అనంతరం.. భోజన విరామ స్థలంలో మహిళలతో ముఖాముఖి అవనున్నారు. ఆపై మొగసాల మర్రిలో స్థానికులతో మాటామంతీ నిర్వహించనున్నారు. తరువాత కుమ్మరల్లిలో డెయిరీ రైతులతో సమావేశంకానున్నారు. సాయంత్రం 4 గంటలకు నాయనిబావి వద్ద స్థానికులతో భేటీ అవుతారు. రాత్రి నాయనిబావి పంచాయితీ గుట్టపాలెం విడిది కేంద్రంలో లోకేష్‌ బస చేయనున్నారు. ఎమ్మెల్సీ ఎన్నికల కోడ్‌ కారణంగా రెండు రోజుల పాటు లోకేష్‌ పాదయాత్ర కు బ్రేక్‌ పడిన విషయం తెలిసిందే. ఎన్నికల కోడ్‌ కారణంగా జిల్లాలో ఉండరాదంటూ తంబళ్లప్లలె నియోజకవర్గంలో పాదయాత్ర చేస్తున్న లోకేష్‌కు అధికారులు నోటీసులు ఇచ్చారు. దీంతో ఎన్నికల సంఘం మార్గదర్శకాలను గౌరవిస్తూ లోకేష్‌ పాదయాత్ర నిలిపివేసి హైదరాబాద్‌ వెళ్లిపోయారు. తిరిగి మంగళవారం ఉదయం యువనేత పాదయాత్రను ప్రారంభిం చారు. ఇప్పటి వరకు లోకేష్‌ 529.1 కిలోవిూటర్ల మేర పాదయాత్ర చేశారు. 42వరోజు పాదయాత్రలో భాగంగా ఈరోజు ఉదయం కంటేవారిపల్లి నుంచి యువనేత పాదయాత్రను ప్రారంభించారు.
