టీడీపీ ఎమ్మెల్సీఅభ్యర్థి ఎంపికపట్ల “పైలా” హర్షం

కె.కోటపాడు, ఫిబ్రవరి05(ఆంధ్రపత్రిక):
ఉత్తరాంధ్ర పట్టభద్రుల తెలుగుదేశంపార్టీ
ఎమ్మెల్సీ అభ్యర్ధిగా ఆర్ధికశాస్త్ర నిపుణులు డాక్టరు వేపాడ చిరంజీవిరావును పార్టీ అధినేత నారా చంద్రబాబునాయుడు నేతృత్వంలో అధిష్టానం ఎంపిక చేయడం హర్షణీయమని తెలుగుదేశంపార్టీ మాడుగుల నియోజకవర్గం సీనియర్ నాయకులు పైలా ప్రసాదరావు అన్నారు. ఆదివారం ఆయన ఇక్కడ విలేఖరులతో మాట్లాడారు. డాక్టరు చిరంజీవిరావు విజయం సాధించడానికి తమ వంతుకృషి, సహకారం అందిస్తామన్నారు. అయన విజయానికి మాడుగుల నియోజకవర్గ పరిధిలోని నాలుగు మండలాల తెలుగుదేశంపార్టీ నాయకులు, కార్యకర్తలు శక్తివంచన లేకుండా కృషి చేయాలని ప్రసాదరావు కోరారు.