చౌడవాడ పీహెచ్సి లో ఆరోగ్య దినోత్సవం 

కె.కోటపాడు,ఏప్రిల్07(ఆంధ్రపత్రిక):ప్రపంచ ఆరోగ్య దినోత్సవం సందర్భంగా మండలంలోని చౌడువాడ ప్రాధమిక ఆరోగ్య కేంద్రం ఆధ్వర్యంలో శుక్రవారం ర్యాలీ నిర్వహించారు. ఈ రాలీలో స్టాఫ్ పాల్గొన్నారు. ఈ సందర్బంగా వారు మాట్లాడారు. ఆరోగ్య జీవనానికి మంచి ఆహారపు అలవాట్లు ఎంతో అవసరమన్నారు. పౌష్టిక ఆహారం ఆవశ్యకత, ప్రాధాన్యం గురించి తెలిపారు. వ్యక్తిగత, పరిసరాల పరిశుభ్రతపై అవగాహన కల్పించారు. వ్యాధులొచ్చాక నివారించడం కన్నా రాకుండా జాగ్రత్తలు తీసుకోవడం మేలన్నారు. వేసవిదృష్ట్యా వడదెబ్బ బారిన పడకుండా జాగ్రత్తలు పాటించాలన్నారు.నీళ్ళు ఎక్కువగా త్రాగాలని సూచనలు ఇచ్చారు.ఈ కార్యక్రమంలో ఎం.పి.హెచ్.ఇ.ఒ. రాజశేఖర్, స్టాఫ్ నర్స్ విద్యాభారతి, హైమ, ఫార్మసిస్ట్ విజయలక్ష్మి,ఆశా కార్యకర్తలు, సిబ్బంది పాల్గొన్నారు.