గత నెల చిన్న సినిమాల సందడి

మరికొన్ని విడుదలతో ఆసక్తి
ఫిబ్రవరి ఈసారి ఇండస్ట్రీకి బాగానే గిట్టుబాటు అయింది. రైటర్‌ పద్మభూషణ్‌, సార్‌, వినరో భాగ్యము విష్ణుకథ వంటి సినిమాలు నిర్మాతలకు కాసుల వర్షాన్నే కురిపించాయి. మరీ అన్నీ బ్లాక్‌బస్టర్‌లు అనలేం కానీ, ఫర్వాలేదనిపించే హిట్లుగా నిలిచాయి. ఇక గతకొంత కాలంగా తెలుగులో మార్కెట్‌ను పెంచుకోవాల నుకున్న ధనుష్‌కు.. ’సార్‌’తో ఆ ముచ్చట తీరిపోయింది. ఓటీటీ హిట్‌ రుచి చూసిన సుహాస్‌ సైతం ’రైటర్‌’తో పది కోట్ల మార్కెట్‌ క్రియేట్‌ చేసుకున్నాడు. హ్యాట్రిక్‌ ప్లాప్‌లతో సతమతమవుతున్న కిరణ్‌కు ’వినరో భాగ్యము’ కాస్త ఊరటనిచ్చింది. ఇక మార్చి తొలివారంలో ఎలాంటి అంచనాల్లేకుండా విడుదలైన ’బలగం’.. బాక్సాఫీస్‌ దగ్గర తిరుగలేని విజయాన్ని సాధించింది. రోజురోజుకు ఈ సినిమాకు ఆదరణ పెరుగుతూనే ఉంది. ఇక రెండో వారం కూడా సినీ ప్రేమికులను ఎంటర్‌టైన్‌ చేయడానికి అటు థియేటర్‌, ఇటు ఓటీటీలు ముస్తాబవుతున్నాయి. క్రేజ్‌ ఎలా ఉన్నా ఆది సాయికుమార్‌ మాత్రం వరుస సినిమాలతో ప్రేక్షకులను ఎంటర్‌టైన్‌ చేయడానికి సిద్ధంగా ఉంటాడు. ఆయన ప్రధాన పాత్రలో నటించిన సీ.ఎస్‌.ఐ సనాతన్‌ శుక్రవారం ప్రేక్షకుల ముందుకు వచ్చింది. రివ్యూలు కూడా పాజిటీవ్‌ గానే వస్తున్నాయి. మరీ కమర్షియల్‌గా ఈ సినిమా ఆదికి బ్రేక్‌ ఇస్తుందో లేదో చూడాలి మరి. సంత్‌,అల్‌మస్‌ మోతివాలా, సూర్య, సౌమ్య విూనన్‌ జంటగా నటిస్తున్న ట్యాక్సీ మూవీ శుక్రవారం రిలీజైంది. యాక్షన్‌ డ్రామా నేపథ్యంలో తెరకెక్కిన ఈ సినిమాను హర్ష దర్శకత్వం వహించాడు. ఆసీఫ్‌ఖాన్‌, మౌర్యానీ జంటగా నటించిన ఈ సినిమా శుక్రవారం ప్రేక్షకుల ముందుకు వచ్చింది. ఆన్‌లైన్‌ ఫిలిం పైరసీ అనే కాన్సెప్ట్‌తో ఈ సినిమా తెరకెక్కింది. రామ్‌ రెడ్డి పన్నాలా ఈ సినిమాకు దర్శకత్వం వహించాడు. వీటితో పాటుగా ’వాడెవడు’, ’జంతుప్రపంచం’ సినిమాలు కూడా శుక్రవారం రిలీజైయ్యాయి. మొత్తంగా పెద్ద హీరోలు లేకపోవడంతో చిన్న హీరోల సినిమాలకు అవకాశం ఏర్పడిరది.