మావుళ్ళమ్మ అమ్మవారి హుండీ ఆదాయం రూ.79.22 లక్షలు

భీమవరం ఫిబ్రవరి 15 ( ఆంధ్ర పత్రిక ) : పశ్చిమ గోదావరి జిల్లా భీమవరం పట్టణ ఇలవేల్పు మావుళ్ళమ్మ అమ్మావారికి హుండీల ద్వారా 79 లక్షల 22 వేల 173 రూపాయల ఆదాయం లభించింది. ఇటీవలే అమ్మవారి వార్షిక ఉత్సవాలు ముగిశాయి. ఈ నేపథ్యంలో హుండీల లెక్కింపు చేపట్టారు. మొత్తం 34 రోజులకు గాను అమ్మవారికి రూ.79,22,173 ఆదాయం లభించింది. అలాగే బంగారం 134 గ్రాములు, వెండి 348 గ్రాముల 060 మిల్లీ గ్రాములు లభించింది. కొంత విదేశీ కరెన్సీ కూడా లభించిందని ఆలయ సహాయ కమినషర్, , కార్యనిర్వహణాషధికారి యర్రంశెట్టి భద్రాజీ తెలిపారు.హుండీల లెక్కింపు కార్యక్రమంలో ఆలయ ధర్మకర్తల మండలి ఛైర్మన్ మానేపల్లి నాగేశ్వరరావు (నాగన్నబాబు), ధర్మకర్తలు ముత్యాల వెంకట రామారావు, చెల్లంకి నాగ శేషగిరి, మావూరి సుందరరావు, రామాయణం సత్యనారాయణ, గోపిశెట్టి విజయలక్ష్మి, కోయ వెంకటలక్ష్మి, నీలాపు విజయ నాగలక్ష్మి, ఎక్స్ అఫీషియో సభ్యులు బ్రహ్మశ్రీ మద్దిరాల మల్లికార్జున శర్మ, వి వెంకటేశ్వరరావు, ఈవో తోటి శ్రీనివాసరావు, కర్రి శ్రీనివాసరావు, బ్యాంకు సిబ్బంది, రెవెన్యూ, పోలీసు సిబ్బంది పాల్గొన్నారు.