బచ్చుల అర్జునుడికి ఘన నివాళులు అర్పించిన బీ.సీ నాయకులు

andhrapatrika ; శుక్రవారం స్థానిక ఈడేపల్లి బి.సి సంక్షేమ సంఘం కార్యాలయంలో ఎం ఎల్ సి దివంగత బచ్చుల అర్జునుడు చిత్రపటానికి పూలమాలలు వేసి బిసి నాయకులు ఘన నివాళులు అర్పించారు. ఈ సందర్భంగా జిల్లా అధ్యక్షులు శేకుబోయిన సుబ్రమణ్యం మాట్లాడుతూ బచ్చుల అర్జునుడి మృతితీరని లోటు అన్నారు.కార్యకర్త స్థాయి నుంచి ఎమ్మెల్సీ వరకు ఎదగడంఅర్జునుడి క్రమశిక్షణకు నిదర్శనంగా పేర్కొన్నారు. ఎల్లప్పుడూ బీసీలకు వెన్నుదన్నుగా నిలిచేవారని కొనియాడారు. మచిలీపట్నం చైర్మన్ గా పట్టణాభివృద్ధికి ఎనలేని కృషి చేశారని తెలిపారు. మాట ఇస్తే మడమ తిప్పని నాయకునిగా పేరు తెచ్చుకున్నారన్నారు. అటువంటి మహనీయుని మృతి రాష్ట్ర ప్రజలకు తీరని లోటని సుబ్రమణ్యం ఆవేదన వ్యక్తపరిచారు. ఈ కార్యక్రమంలో బిసి పట్టణ అధ్యక్షులు తోట బాబు, ఎల్ఐసి రాంబాబు,జోగి శివ, జన్ను గోవిందు, చేబోయిన కోటేశ్వరరావు, పుట్టి రాజశేఖర్, పోలగాని వెంకటేశ్వరరావు,యు. సందీప్ తదితర బీ.సీ నాయకులు పాల్గొన్నారు.