ఢిల్లీలో పోరాటప్రదర్శనను విజయవంతం చేయాలి

కె.కోటపాడు,మార్చి27(ఆంధ్రపత్రిక):ఏప్రిల్ ఐదున కార్మికులు ఢిల్లీలో పోరాట ప్రదర్శనలో పాల్గొవాలని మండల ప్రజా సంఘాల నాయకులు యర్రా దేముడు కోరారు.కె.కోటపాడులో సోమవారం ఆయన ఉపాధి హామీ కూలీలనుద్దేశించి మాట్లాడారు. కార్మికులు, కర్శకులు, రైతులు ఢిల్లీ పోరాట ప్రదర్శనలో పాల్గొని మోడీ ప్రజావ్యతిరేక విధానాలను ఓడించాలని కోరారు. రైతుసంఘం నాయకులు వనుము సూర్య నారాయణ మాట్లాడుతూ అనకాపల్లి జిల్లాలో మూసివేసిన ఏటికొప్పాక, తాండవ, తుమ్మపాల, షుగర్ ఫ్యాక్టరీలనుతెరిపించాలని, చెరుకు రైతులు బకాయిలు చెల్లించాలని, చెరుకు ఫ్యాక్టరీలను ఆధుణీకీకరించాలని కోరారు. ఈ కార్యక్రమంలో కూలీలు పల్ల శ్రీరాములు, యడ్ల రాము తదితరులు పాల్గొన్నారు.