ఇంట్లో నుంచే ఆధార్‌ కార్డులో పుట్టిన తేదీ మార్చుకోండిలా! ఏ ఏ డాక్యుమెంట్లు కావాలంటే..

Andhrapatrika : మీరు ఆధార్ కార్డులో పుట్టిన తేదీ మార్చుకోవాలని ప్లాన్ చేస్తున్నారా? అయితే ఇంట్లో నుంచే మీరు ఈ పని పూర్తి చేసుకోవచ్చు. అయితే కొన్ని డాక్యుమెంట్లు కచ్చితంగా ఉండాలి. అవేంటో తెలుసుకోండి.ఆధార్ కార్డులో వివరాలు తప్పుగా ఉన్నాయా? వాటిని అప్‌డేట్ చేసుకోవాలని భావిస్తున్నారా? అయితే మీరు ఈ పనిని ఇంట్లో నుంచే సులభంగా పూర్తి చేసుకోవచ్చు. అయితే ఆధార్ కార్డులో (Aadhaar Card) అన్ని వివరాలను అప్‌డేట్ చేసుకోవడం సాధ్యం కాకపోవచ్చు. పుట్టిన తేదీ, అడ్రస్, పేరు, జెండర్ వంటి వాటిలో ఏమైనా తప్పులు ఉంటే మాత్రం మీరు ఇంటి వద్ద నుంచే వాటిని సరి చేసుకోవచ్చు. ఇప్పుడు మనం ఆధార్ (Aadhaar) కార్డులో పుట్టిన తేదీ తప్పుగా ఉంటే.. దాన్ని ఎలా అప్‌డేట్ చేసుకోవాలో తెలుసుకుందాం.ఆధార్ కార్డు కలిగిన వారు ముందుగా మై ఆధార్ అనే వెబ్‌సైట్‌లోకి వెళ్లాలి. అక్కడ మీ ఆధార్ నెంబర్ ఎంటర్ చేయాలి. ఓటీపీ వస్తుంది. దాన్ని కూడా ఎంటర్ చేయాలి. తర్వాత మీరు లాగిన్ అవుతారు. ఇప్పుడు ఆన్‌లైన్ అప్‌డేట్ అనే ఆప్షన్ ఎంచుకోవాల్సి ఉటుంది. ఇప్పుడు మీకు పలు రకాల ఆప్షన్లు కనిపిస్తాయి. పేరు, జెండర్, అడ్రస్, పుట్టిన తేదీ అనే ఆప్షన్లు ఉంటాయి.వీటిల్లో మీరు డేట్ ఆఫ్ బర్త్ అనే ఆప్షన్ ఎంచుకోవాల్సి ఉంటుంది. తర్వాత సపోర్టింగ్ డాక్యుమెంట్‌ను అప్‌లోడ్ చేయాలి. ఇప్పుడే మీరు జాగ్రత్తగా ఉండాలి. సరైన డాక్యుమెంట్‌ను అప్‌లోడ్ చేస్తేనే మీ డేట్ ఆఫ్ బర్డ్ అప్‌డేట్ అవుతుంది. లేదంటే మీ రిక్వెస్ట్ రిజెక్ట్ అవుతుంది. ఏ ఏ డాక్యుమెంట్లను అప్‌లోడ్ చేయవచ్చొ ఇప్పుడు ఒకసారి తెలుసుకుందాం.