అయ్యన్నకు బెయిల్‌పై టీడీపీ శ్రేణుల్లో హర్షం

కె.కోటపాడు, నవంబర్‌ 3 (ఆంధ్రపత్రిక) : తమప్రియతమ నేత, మాజీమంత్రి చింతకాయల అయ్య న్నపాత్రుడుకు బెయిలు మంజూరు కావడం హర్షణీయమని మండల తెలుగుదేశంపార్టీ అధ్యక్షులు రొంగలి మహేష్‌ అన్నారు. అరెస్టయిన అయ్యన్న పాత్రుడుకు బెయిల్‌ లభించిందని మండలంలోని చౌడవాడ గ్రామంలో గురువారం రాత్రి సర్పంచ్‌ దాడి ఎరుకునాయుడు ఆధ్వర్యంలో టిడిపి శ్రేణులు హర్షంతో బాణసంచా కాల్చారు. మిఠాయిలు పంచారు.ఈ సందర్భంగా మహేష్‌ మాట్లాడుతూ అయ్యన్నపాత్రుడుపై ప్రభుత్వం కక్ష సాధింపు చర్యలను, అరెస్టులను విరమించుకోవాలన్నారు. ఈ కార్యక్రమంలో నాయకులు బండారు నరసింహనాయుడు, డోకల నరసింహమూర్తి, యడ్ల రమేష్‌ తదితరులు పాల్గొన్నారు.